Apple virtual olamga kirishga tayyorlanmoqda: Apple XR Mixed Reality 2023-yilda ishlab chiqariladi

Apple kompaniyasi xabar berishicha, XR Mixed Reality garnituralari uchun OLEDoS displeylarini Sony va LG kompaniyalari yetkazib beradi.

2023-yilning oxiriga borib esa birinchi avlod Mixed Reality minigarnituralarini ishlab chiqarish boshlanadi.

Virtual reallik uchun ishlab chiqiladigan mazkur texnika displeyi kuchini tasavvur qilishingiz uchun, 1 dyuymda o‘rtacha 55 pikselga ega smartfon ekrani va bir dyuymda oʻrtacha 3500 pikselga ega OLEDoS displeyini taqqoslab qilib ko‘rishingiz kifoya.

Ushbu displeylar diagonali bir dyuymdan kamroq boʻladi va shishalik anʼanaviy OLED ekranlardan farqli oʻlaroq, kremniyli CMOS plastinasi bilan jihozlanadi.

Aytilishicha, Sony va LG kompaniyalari displeylarni ishlab chiqishda Samsung kompaniyasiga nisbatan takomillashgan va shu sababli ham, Apple XR qurilmasi uchun aynan shu brendlar jalb etilmoqda.

Biroq kelgusida Apple texnologiyalarini ishlab chiqishni boshqa kompaniyalar bilan “bo‘lishmoqchi” emas: kompaniya keyinchalik mazkur brendlar bilan hamkorligini to‘xtatadi va mustaqil ishlab chiqishni yo‘lga qo‘yadi. Buning ustiga, misol uchun, Sony kompaniyasi ishlab chiqayotgan oʻyin pristavkalari tobora Apple bilan raqobatga kirishib bormoqda. Tabiiyki, bir vaqtning o‘zida ham hamkor, ham raqobatchi bo‘lish mantiqsiz.

Apple Mixed Reality minigarnituralarida OLEDoS displeylaridan foydalanish XR qurilmalari bozorida yangi standartni o‘rnatishi kutilmoqda. Apple, Sony, LG, Samsung va APS Holdings oʻrtasidagi hamkorlik texnologiyalarni yangi bosqichga olib chiqishi hamda tubdan oʻzgartirishi esa shubhasiz.

Yaqinda Apple Watch kamari rangini kiyimga moslab o‘zgartirish imkonini beruvchi texnologiya ishlab chiqqani haqida xabar bergan edik.