Vivo Y18t yangi smartfoni atigi $90 bilan sotuvga chiqdi

Vivo kompaniyasi Y18t nomli yangi arzon smartfonini taqdim etdi va uni taxminan $90 narxda sotuvga chiqardi.

Ushbu telefonda Unisoc T612 protsessori ishlatilgan bo‘lib, Android 14 tizimida ishlaydi va Vivo'ning Funtouch OS 14 interfeysi bilan ta'minlangan. Telefonda 4 GB tezkor xotira va 128 GB ichki xotira mavjud.

Agar xotira yetarli bo‘lmasa, uni microSD karta yordamida 1 TB gacha kengaytirish mumkin.

Selfi olish uchun 8 megapikselli kamera ekranning yuqori qismidagi kichik teshikda joylashgan. Barmoq izini o‘qiydigan skaner esa yon tomondagi quvvat tugmasiga qo‘yilgan.

Orqa tomonda 50 megapikselli asosiy kamera va yana qo‘shimcha kichikroq kamera joylashgan.

Vivo Y18t’da 5000 mA/soat sig‘imli akkumulyator bor, u USB-C orqali 15 Vt tezlikda quvvatlanadi. Bateriyani to‘liq quvvatlash uchun taxminan 145 daqiqa vaqt ketadi.