Samsung Galaxy Unpacked navbatdagi tadbiri iyul oyining soʻnggi haftasida boʻlib oʻtadi

Galaxy S23 seriyasi oldingi modellarga nisbatan anchagina muvaffaqiyatli chiqqanini maʼlum qilgandik. Ayni paytda kompaniya yangi flagmanlar taqdim etishga tayyorgarlik koʻrmoqda. 

Samsung shu yil oxirida Galaxy Z Fold 5, Galaxy Z Flip 5, Galaxy Tab S9 seriyasi, Galaxy Watch 6 va yangi minigarnituralarni taqdim etishi kutilmoqda. Koreyada boʻlib oʻtadigan Unpacked tadbiri haqidagi eng soʻnggi mish-mishlarga qaraganda, Samsung iyul oyining oxirgi haftasida yuqorida sanab oʻtilgan qurilmalarning baʼzilarini debyut qilishi mumkin.

Kompaniya har yili  anʼanaviy tarzda avgust oyida oʻzining yirik Unpacked tadbirini oʻtkazadi, shuning uchun bu tadbir biroz rejadan tashqarigi boʻlib koʻrinishi mumkin. Ayni paytda raqobatchilarining tinimsiz yangiliklari fonida oʻz oʻrnini ushlab qolish maqsadida ham birinchi Unpacked taqdimoti boʻlib oʻtadi. Misol uchun, Galaxy Z Fold va Galaxy Z Flip smartfoniga oʻxshash buklanadigan smartfonlar bozoriga Google oʻzining birinchi yigʻiladigan flagmani Pixel Fold bilan kirib kelishga tayyorlanmoqda.

Aniq sanaga kelsak, Samsung odatda hafta oʻrtalarida yangi mahsulotlarni eʼlon qiladi, shuning uchun 25 va 27-iyul kunlari boʻlishi mumkin.

Avvalroq mazkur yilda taqdimoti kutilayotgan Galaxy S24 eng ideal smartfon boʻlishi mumkinligi haqida xabar bergandik.

Ushbu tadbirda eʼlon qilinadigan barcha yangi qurilmalar haqidagi eng soʻnggi yangiliklarni Giglink.uz bilan kuzatib boring.