Google davri tugadi: Microsoft Bing sunʼiy intellekti katta yangilanishini taqdim qildi

Texnologiya

05 may, 10:15

Nyu-Yorkdagi taqdimotda Microsoft rahbariyati IT mutaxassislarga GPT-4 asosidagi yangilangan Bing qidiruv xizmatini namoyish qildi.

Bing haqida baʼzi qiziqarli faktlar:

Chatbot 1000 ta belgigacha boʻlgan soʻrovlarni tushunadi.

Bing 100 ta tilda, shu jumladan rus tilida soʻrovlarni qabul qiladi.

Chatbot foydalanuvchini xavfli mavzular, masalan, bomba yasash yoki kolumbin (taʼlim muassasalaridagi otishma) haqida maʼlumot bermasdan mavzudan uzoqlashtirishga qodir.

Yangilangan Bing Chat quyidagi xususiyatlarga ega boʻldi, xususan:

Qidiruv soʻrovlariga rasm va videolar bilan javoblar berish

Microsoft oʻzining Bing chatbotini kerak boʻlganda rasmlardan foydalangan holda soʻrovlarga javob berishga oʻrgatdi. Savollar, agar mavjud boʻlsa, endi mos rasmlar, grafiklar va jadvallar bilan birga taqdim etilishi mumkin.

Google ChatGPT bilan raqobat qilish uchun BARD AI chatbotini ishga tushirdi

Chatlarning saqlanib qolishi

Bing Chat endi foydalanuvchi suhbatlari tarixini saqlashi mumkin, bu sizga toʻxtagan joydan boshqa qurilmada suhbatni davom ettirish, shuningdek, oʻz xohishiga koʻra oldingi suhbatlarga qaytish imkonini beradi.

“Harakatlar” funksiyasi — chatbot siz uchun bron va buyurtma qiladi

Bing Chat baʼzi veb-saytlar bilan ishlashni oʻrgandi. Misol uchun, agar qidiruv natijalarida restoran boʻyicha tavsiyalar mavjud boʻlsa, Bing tashrif buyuruvchi uchun qulay vaqtni topishi va chat orqali stolni bron qilish imkoniyatiga ega boʻladi.

Shuningdek, bot qanday qilib avtomatik ravishda mos keladigan striming xizmatini tanlagan holda filmni topishi va uni yoqishi ham namoyish etildi. Microsoft mavjud xizmatlarni eʼlon qilmadi, lekin misol sifatida Apple TV dan foydalanib, funksiyani namoyish etdi.

GPT sunʼiy intellekti inson fikrini 82% aniqlik bilan oʻqidi

Plaginlar

Ular yordamida maʼlum bir hududda botning imkoniyatlarini kengaytirish va yaxshilash mumkin boʻladi. Kompaniya hozircha bu qanday ishlashini batafsil koʻrsatmagan, biroq u allaqachon bu sohada OpenTable, Wolfram Alpha va OpenAI bilan hamkorlik qilayotganini aytdi. Bu haqda koʻproq maʼlumot 23-25 may kunlari boʻlib oʻtadigan Build konferensiyasida eʼlon qilinadi.

Yangilangan Bing chatboti taqdimoti

Bing chatboti allaqachon Edge brauzerida va rasmiy veb-saytida Microsoft akkauntiga ega boʻlgan barcha foydalanuvchilar uchun mavjud ekanligi taʼkidlandi.

Kunlik faol foydalanuvchilar soni hozirda 100 milliondan oshadi.

Avvalroq Samsung kompaniyasi smartfonlaridagi Google qidiruv tizimini Bingga almashtirmoqchiligi haqida xabar berilgandi.