Twitter’da o‘chirilgan xabarlarni avtomatik tiklaydigan xatolik aniqlandi

Bir nechta Twitter foydalanuvchilari oʻchirilgan tvitlar saytda hayratlanarli darajada tez tiklanayotgani haqida xabar berishgan. Xavfsizlik boʻyicha mutaxassis ZDNET manbasiga koʻra, ijtimoiy media ilovasi 34 000 ta xabarni qayta tiklagani keltirib oʻtilgan. Xato oʻchirilgan retvitlarni ham tiklagan.

Muammo keng tarqalgan, ammo barcha maʼlumotlar kulgili, deydi Engadget nashri. Bu, asosan, Redact yoki TweetDelete kabi uchinchi tomon xizmati orqali tvitlarni koʻplab ravishda oʻchirib tashlaganlarga taʼsir qiladi, lekin har doim ham emas. Har qanday holatda ham, oʻzingiz oʻchirgan tvitlarni rostdan ham oʻchganmi-yoʻqmi qaytadan tekshirib koʻring.

Koʻpchilik uchun bu arzimas masala, ammo Twitter media giganti foydalanuvchi shaxsiy maʼlumotlari qanday boshqarishi va himoya qilishi haqida koʻp gapirib keladi, zero bunga masʼul hamdir. Twitter saytining ishonchliligi boʻyicha sobiq muhandis Mastodonʼda “ular bir nechta serverlarni maʼlumotlar markazlari oʻrtasida koʻchirishgan va ularni tarmoqqa qayta ulashdan oldin topologiyani toʻgʻri sozlamaganga oʻxshaydi”, deb aytgandi.

Rasmiy ravishda hech narsani bilishning iloji yoʻq, chunki Ilon Mask taniqli xorij nashrlarining murojaat mazmunidagi tvitlari ostiga avtomatik ravishda smayliklar yuboradigan botlarni ishga tushirgan. Lekin kompaniya mazkur holat boʻyicha biron bir bayonot chiqarsa, albatta, yangilik haqida ishonchli manbalarga asoslangan xabarni Giglink.uz nashrida oʻqib borishingiz mumkin boʻladi.

Shuni taʼkidlash kerakki, Twitter soʻnggi bir necha oylarda keskin orqaga yurishlarga duchor boʻlmoqda. 

Shunday bir paytda Meta kompaniyasini (Facebook va Instagram) Twitterʼga yangi raqobatchi tarmoq ustida ishlayotgani maʼlum boʻldi. Voqealar rivojini esa kuzatib boramiz: Twitter bu vaziyatdan chiqib keta oladimi yoki oʻz oʻrnini analog tarmoqlarga boʻshatib beradimi…