Ilon Maskning Tvitlari: Foydalanuvchilar Maskning tvitlariga Million Dollar Tikmoqda

Polymarket prognozlash platformasida Ilon Maskning bu haftadagi tvitlar soni bo‘yicha million dollarlik garovlar o'ynalmoqda.
Polymarket – foydalanuvchilarga o‘z qarashlarini investitsiyaga aylantirish imkonini beruvchi platforma. Ushbu haftalik prognoz bozori 17-yanvarda yakunlanadi. Hozirda 1,9 million dollarlik savdo amalga oshirilgan va haftalik savdolar odatda million dollardan oshadi. Foyda esa sotib olingan "aksiyalar" va taxminlarning aniqligiga bog‘liq.

Foydalanuvchilar Maskning tvitlar sonini tahlil qilib borishmoqda. Masalan, bir foydalanuvchi shunday deydi:“Mask hozir har kuni o‘rtacha 50 ta tvit yozmoqda. Agar shu sur’atda davom etsa, haftalik tvitlar soni taxminan 350 taga yetadi. Ammo 400 dan oshish uchun u qolgan kunlarda kunlik postlar sonini kamida 65 taga yetkazishi kerak bo‘ladi. Bu qiyin, lekin imkonsiz emas. Ayniqsa, SpaceX Starship kemasining 15-yanvarga rejalashtirilgan sinov uchirishi sababli, Mask odatdagidan ko‘proq tvit yozishi mumkin.”

Maskning tvitlari har hafta Polymarket va boshqa platformalarda eng ko‘p muhokama qilinadigan mavzulardan biri. U ijtimoiy tarmoqdagi faolligi bilan nafaqat texnologiya sohasiga, balki foydalanuvchilarning qiziqishi va investitsiyalariga ham ta’sir ko‘rsatmoqda.

Maskning har bir tviti faqatgina tarmoqda emas, balki real moliyaviy bozorda ham katta qiziqish uyg‘otmoqda.