Yandex Alisa boshqa tillarda gapirishni o‘rganmoqda

Hozirda Yandex ovozli yordamchisi faqat rus tilida dialog oʻtkazish va buyruqlarni bajarish qobiliyatiga ega. Avvalroq kompaniya ovozli yordamchiga MDH mamlakatlari, jumladan, ukrain, belarus va qozoq tillarida gapirishga oʻrgatish rejalari haqida maʼlum qilgan edi.

Biroq pandemiya tufayli yangi tillarni qoʻshish jarayoni sekinlashgan. Hozirda Alisa boshqa tillardagi nutqni faqat qidiruv va tarjimon kontekstida tanib, analiz qila oladi.

Mutaxassislarning fikricha, qoʻshimcha tillarni qoʻllab-quvvatlash Yandex qurilmalari allaqachon sotilayotgan mamlakatlarda mashhurligini oshirishga yordam beradi. Ammo mutaxassislar yordamchini qayta tayyorlashga toʻgʻri kelishidan ogohlantirmoqda, chunki Alisaning “hazilkash tabiati” boshqa madaniyatlar uchun maʼqul kelmasligi mumkin.

Avvalroq Giglink.uz Yandex’da xitoy tilidagi videolarning avtomatik ovozlashtirilgan tarjimasi ishga tushgani haqida xabar bergandi.