“Yandex Music” bitiruv imtihonlariga yordam beruvchi musiqiy oqimni ishga tushirdi

Mazkur musiqiy pleylist koʻrinishidagi oqim universitet yoki maktabda imtihonlarni muvaffaqiyatli topshirgan talabalar hamda bitiruvchilar oʻrtasida tuzilgan soʻrovnoma asosida, qaysi janr yoki treklar ularga samaraliroq tayyorgarlik koʻrishga yordam berganligini aniqlash orqali tuzilgan. Shuningdek, tanlov, albatta, tinglovchining shaxsiy musiqiy didini ham hisobga oladi.

“Mening imtihonlar uchun toʻlqinim”ni tinglash uchun izlash boʻlimiga (lupa) rus tilida “+100 к интеллекту”, “иду на красный диплом” (men qizil diplom olaman) yoki “готовлюсь к экзаменам” (imtihonlarga tayyorlanayapman) deb yozish kerak. 

Soʻrov berilgani zahotiyoq yuqorida musiqiy oqim paydo boʻladi va unga bosish orqali musiqa yordamida imtihonga tayyorlanishni boshlash mumkin.

Avvalroq Yandex Alisa ovozli yordamchisini YandexGPT sunʼiy intellekti asosida takomillashtirgandi. U endi matn yozishi va gʻoyalarni taklif qilishi mumkin.