Acer sun’iy idrok bilan ishlaydigan elektrovelosipedlar ishlab chiqdi

Acer ebii elektrovelosipedining akkumulyatori ixcham aqlli avtomobil boshqaruv qutisiga joylashgan bo‘lib, bu velosipedni zaryadlashni va batareyani olib yurishni osonlashtiradi. Haydash tezligi soatiga 25 kilometrga yetadi.

Acer ebii elektr velosipedlari foydalanish jarayoni haqida ma’lumotlarni to‘plab boradi. Bu foydalanuvchi uchun eng mos yo‘nalishni tanlash, transport zaryadi kutilmaganda tugab qolishi, maqbul tezlik va velosipedda qulay o‘rnashish o‘rnashish uchun qo‘llaniladigan ma’lumotlardir.

Foydalanuvchilar o‘z mobil telefonlarini Bluetooth orqali velosipedga ulab tavsiya etilgan marshrutlar, batareya quvvati, sayohat tezligi va ebiiGO ilovasini avtomatik qulfdan chiqarish sozlamalari kabi ma’lumotlardan foydalanishlari mumkin.

Acer ebii velosipedi batareyasi almashtiriladi. Batareyaning ishlash muddati 110 kilometrgacha va bir martalik to‘liq zaryadlash uchun 2,5 soat vaqt ketadi. Shuningdek, sun’iy intellekt quvvat konfiguratsiyasini optimallashtirishi natijasida batareya quvvati to‘g‘ri taqsimlanishi va butun kun davomida haydashga yetishi mumkin. Qayd etish joizki, Acer ebii elektrovelosipedi akkumulyatorini boshqa qurilmalar uchun mobil zaryadlovchi sifatida ham foydalanish mumkin.

Yangi Acer ebii elektr yordamchi velosipedi bir qator himoya funksiyalari bilan jihozlangan, faralar va orqa chiroqlar qorong‘u muhitda avtomatik ravishda yonadi. Avtomobil yoki biror narsa orqadan yaqinlashganda o‘rindiq ostidagi orqa to‘qnashuv ogohlantirish tizimi eslatma yuboradi.