Nega Apple minglab MacBookʼlarni metallolomga chiqarib yuboradi?

Maʼlum boʻlishicha, epplchilar oʻzlarining talablari tufayli Macbookʼlarning katta partiyasini qayta ishlagan. Zero, qulflanib qolgan makbuklarni tekinga bersangiz ham hech kim olmaydi. Quyida Apple nima uchun ishlab turgan gadjetlarni foydalanishga bermasdan qayta ishlashi sirini maʼlum qilamiz.

Hammamiz Apple mahsulotlari qanchalik ishonchli ekanligi haqida eshitganmiz. Ammo xavfsizlik tizimi tufayli qurilmalardan faqat bir kishi foydalanishi mumkinligi haqida hech eshitganmisiz? Bu MacBookʼlar ishonchsiz degani emas — shunchaki maxfiylik xususiyatlari tufayli tizimga kirib boʻlmay qolishi uchraydigan holatlar mavjud.

Macbook taʼmirchisi Jon Bumstead qiziqarli maʼlumotlar bilan oʻrtoqlashdi. Maʼlum boʻlishicha, M1da ishlatilgan MacBookʼlar iCloud faollashtirish blokirovkasi tufayli qayta ishlashga yuborilgan. Gap davlat tashkilotlari va maktablarda qoʻllaniladigan, maʼlum vaqtdan keyin metallolomga yuboriladigan qurilmalar haqida bormoqda. Shu bilan birga, ularning holati deyarli mukammal boʻladi, chunki ularning materinskaya platalari hali uzoq vaqt beminnat xizmat qilishi mumkin. Ammo tashkilotlar ularni qatʼiy kelishiv va qoida asosida qayta ishlashga topshirishadi.

Hatto Jon kabi ishbilarmonlar bunday namunalarni topishga muvaffaq boʻlishsa ham, aksariyat hollarda ulardan hech qanday foyda yoʻq. Gap T2 xavfsizlik chipi haqida ketmoqda, Apple undan Intel MacBookʼlar davridan beri foydalanib keladi. Mazkur soprotsessor noutbukning barcha Touch ID maʼlumotlari va parollarini saqlaydi. Shuning uchun, agar bunday MacBook MDM profiliga ega boʻlsa yoki Apple IDʼsiga kirilgan boʻlsa, noutbukni toʻliq faollashtirishning mutlaqo iloji boʻlmaydi.

Himoyani chetlab oʻtishning iloji yoʻq, chunki maʼlumotlar T2 protsessorida xavfsiz shifrlangan. Koʻplab sotuvchilar va xaridorlar nuqtai nazaridan, millionlab ishlab turgan makbuklarni metollolomga uloqtirish — juda gʻalati ish.

Bamstedning fikricha, Apple shu yoʻl bilan oʻz mahsulotlarining ikkilamchi bozori rivojlanishiga toʻsqinlik qiladi.

Mutaxassislarning taʼkidlashicha, na eski Intelʼdagi MacBookʼlar va na M1/M2ʼni chetlab oʻtish uchun dasturiy “teshikcha” qoldirilmagan. Garchi baʼzi dasturchilar Mac-ni buzishning uddasidan chiqishgan boʻlsa ham, barchasi befoyda — chunki qayta ishga tushirilgan noutbukda yana faollashtirish blokirovkasi paydo boʻladi.

Hozirda bunday “chiqish teshiklari” bor, biroq faqatgina rasmiy sotib olingan makbuklarda xolos. Sizga kerak boʻlgan yagona narsa — qoʻllab-quvvatlash xizmatiga murojaat qilish va MDM profilingizni oʻchirish uchun xaridni tasdiqlovchi hujjatni taqdim etish, xuddi shu yechim bloklanib qolgan iPhoneʼlar uchun ham mos keladi.

Bu muddatdan keyin qulfni olib tashlash mumkin edi va gadjet yangi foydalanuvchi uchun ishlashda davom etadi. Umuman olganda, agar MacBook qonuniy ravishda sotib olinsa va formatlangan boʻlsa, avvalgi egasining fikri qanday farq qiladi?

Yuqorida fikrlari keltirilgan Jon Bamsdet va shu kabi sotuvchilarning asosiy muddaosi yaxshi daromad qilish boʻlsada, boshqa tarafdan, ikkinchi qoʻl noutbuklari hamyonbop, biroq sifatli texnika istagan xaridorlar uchun ham foydali boʻlar edi. 

Apple esa soʻnggi yillarda buning mutlaqo teskarisini qilmoqda: servis markazlari sonini qisqartirmoqda, telefonlari uchun kerakli qismlarni faqatgina kompaniyadan yetkazib berishni joriy qildi va hokazo.