UzAuto Motors: eski Onix va Tracker narxlari koʻtarilmaydi, biroq yangi qimmatroq pozitsiyalar chiqariladi

Ma’lumki, may oyi boshlarida Chevrolet Tracker va Onix modellari uchun shartnoma berish to‘xtatilgan edi. Keyinroq UzAuto Motors buni mazkur pozitsiyalar yangilanishi bilan bog‘liqligini aytgan edi. Ammo ko‘plab taxmin va kutuvlarga ko‘ra, kompaniya modellarga bir nechta opsiyalarni qo‘shish fonida avtomobillar narxini oshirishi mumkin. So‘nggi xabarlarga ko‘ra, kompaniya ayni paytda Chevrolet Onix va Tracker uchun yangi Redline va Premier Plus trim darajalarini sotishni boshlashga tayyorlanmoqda.

Avtomobillar nihoyat oyna isitish va boshqa issiqlik funksiyalariga ega boʻladi. Ehtimol, Chevrolet Tracker top komplektatsiyalari ham qimmatlashishi mumkin — krossover haydovchi oʻrindigʻi uchun elektr regulirovkaga ega boʻladi.

UzAuto Motors eski Chevrolet Tracker va Onix konfiguratsiyasi narxini oshirmaslikka vaʼda berdi.

Bir hafta ichida avtosalonlar Chevrolet Onix va Tracker uchun shartnomalar berishni boshlashi kutilmoqda.

Soʻnggi marta Tracker narxlari 2023-yilning yanvarida oshirilgan, oʻshanda QQS pasaytirilganiga qaramay, avtomobil narxi koʻtarilgan.

Chevrolet Onix narxlari oʻtgan yilning noyabr va dekabr oylarida eʼlon qilingan edi. QQSning kamayishi tufayli Onix byudjet konfiguratsiyasi yanada arzonlashishi kutilmoqda.

Eslatib oʻtamiz, Damas, Lacetti va Cobalt byudjetli modellari sotuvi 2022-yilning dekabridan boshlab toʻxtatilgan. Mazkur modellar yana qachon sotuvga chiqariladi, kompaniya izoh bermagan.

Avvalroq Chevrolet Onix Premium seriyasi koʻrinishi va opsiyalari maʼlum qilingandi.