“Wednesday” seriali ikkinchi fasli ba’zi tafsilotlari ma’lum bo‘ldi

Netflix seriali 2022-yil noyabr oyida birinchi marta namoyish etilganda katta muvaffaqiyatga erishdi. Nihoyat, 2023-yil yanvar oyida “Wednesday” 2-mavsumi ham taqdim etilishi rasman tasdiqlandi.

Yangi fasl voqealari koʻproq Addams oilasi va uning atrofidagi voqealarni koʻproq ochib beradi. Siz yangi faslda Addamslar haqida yanada keng tasavvur va taassurotga ega boʻlasiz. Film rejissyorlarining maʼlum qilishicha, rostdan ham 1-faslda Addamslar oilasining “aysberglari uchi” koʻrsatilgan edi xolos, hali dengiz ostida nimalar borligi tomoshabinlarga endi namoyish qilinadi.

Aytaylik, “Wednesday”dagi ota Addams — Gomes Addams roli tafsilotlarga boy boʻladi.

Albatta, bosh qahramon — aktrisa Jenna Ortega ijrosidagi Wednesday ikkinchi faslda ham ishtirok etadi. Hozircha buni rad etuvchi maʼlumotlar yoʻq. Biroq aktrisaning oʻzi “Qichqiriq” (film haqida kichik revyuni bu yerda oʻqishingiz mumkin) va qonli X kabi qoʻrqinchli oʻtkir syujetli filmlar hamda “Wednesday”dagi roli uchun eʼtirof etilib “Oltin Globus” nominatsiyasidagi ishtiroki paytida yangi fasl ssenariysini hozircha koʻrmaganini aytdi. 

Maxluq Haydga aylanadigan Taylerga kelsak, esingizda boʻlsa kerak uni ushlab mashinada olib ketishayotganida yana maxluqqa aylana boshlagan va shu bilan davomini bilmay qolgan edik. Ikkinchi faslda Tayler albatta, maxluqqa aylanadi va oʻzining ijrosini davom ettiradi. Biroq yangi fasl oʻsmirlarcha muhabbat syujetlaridan biroz yiroqlashadi va Wednesday ham endi tobora jangovar obraz koʻrinishini oladi. Ikkinchi fasl yanada koʻproq ekshn, urush va qiziqarli lavhalarga boy boʻladi.

Demak, millionlab muxlislarni oʻziga jalb qilgan “Wednesday” serialining navbatdagi faslini kutib qolamiz, eng qiziqarli yangiliklarni esa bizda bilib borishingiz mumkin.