Twitter shifrlangan xabarlari faqatgina Blue obunasi bor foydalanuvchilar uchun

WhatsApp, Messenger, Signal va iMessage kabi platformalarda shifrlangan xabarlar bepul, shu sababli ham Twitterʼning bunday funksiyani pullashi qiyin boʻlishi mumkin.

Xabarga koʻra, shifrlangan DMʼlar faqat tasdiqlangan foydalanuvchi (Twitter Blue uchun toʻlovni amalga oshiradigan kishi), tasdiqlangan tashkilot (oyiga 1000 dollar toʻlaydigan tashkilot) yoki tasdiqlangan tashkilotning filiali (50 dollar) boʻlgandagina foydalanish mumkin.

Ham joʻnatuvchi, ham qabul qiluvchi Twitter ilovasining soʻnggi versiyasidan (mobil va internet) foydalanayotgan boʻlishi kerak. Shifrlangan DM qabul qiluvchisi joʻnatuvchiga obuna boʻlishi, oldin xabar yuborgan boʻlishi yoki joʻnatuvchidan DM soʻrovini qabul qilishi kerak.

Shifrlangan xabarlarni yuborganda xabar yozishda bloklash tugmasi chiqadi. Shifrlangan suhbatda suhbatdosh avatarining yonida kichik qulf belgisini ham koʻrish mumkin. Shifrlangan DMlar shifrlanmaganlardan shunday ajratiladi.

Ijtimoiy tarmoq rahbari boshqa foydalanuvchilarga telefon raqamlarini koʻrsatmasdan turib qoʻngʻiroq qilish mumkin boʻlishini taʼkidladi. Biroq video/audio qoʻngʻiroqlar qachon ishga tushishi aniq emas.

Shifrlangan shaxsiy xabarlar allaqachon ishlamoqda.

Ma’lumot uchun, Twitter’da audio/video qo‘ng‘iroqlar, like o‘rniga reaksiyalar va shifrlangan xabarlar shu kunlarda taqdim etilishi kutilayotgan edi.