Ilon Mask Twitter Inc. kompaniyasi tugatilganini rasman e’lon qildi
11 aprel, 13:34Twitter ijtimoiy tarmogʻiga egalik qiluvchi Twitter korporatsiyasi X Corp bilan birlashgandan soʻng mustaqil kompaniya sifatida amalda oʻz faoliyatini toʻxtatdi.
Bu haqda Florida okrug sudi dushanba kuni eʼlon qilingan qarorida maʼlum qilindi.
“Fuqarolik protsessual qoidalarining 7.1 (a) (1) boʻlimiga muvofiq, sudlanuvchi X Corp.ning quyida imzo qoʻygan advokati, sudlanuvchi Twitter, Inc.ning vorisi sifatida, Twitter, Inc. X Corp. bilan birlashtirilganligini eʼlon qiladi va u (alohida yuridik shaxs sifatida) endi mavjud emas” , — bayon qilingan hujjatda.
Taʼkidlanishicha, kompaniyalarning haqiqiy qoʻshilishi 4-aprel kuni boʻlib oʻtgan. Bundan tashqari, korporatsiya hozirda Twitterʼning bosh ofisi doimgi Delaver shtatida emas, balki Nevada shtatida joylashgan.
Twitter Inc. so‘nggi voqealariga to‘xtalib o‘tadigan bo‘lsak:
- 2022-yil 27-oktyabr kuni Mask xuddi shu nomdagi ijtimoiy tarmoqqa egalik qiluvchi Twitterʼni sotib olish boʻyicha 44 milliard dollarlik shartnomani yakunladi.
- 6-noyabr kuni Mask Twitter Blueʼga obuna boʻlishi doirasida pulli hisob tekshiruvini joriy etish niyatida ekanligini maʼlum qildi.
- 10-noyabr kuni obuna sotuvi soxta akkauntlar sonining koʻpayishi tufayli toʻxtatildi, ammo dekabr oyida Twitter Blue sotuvi faqatgina AQSH, Avstraliya, Buyuk Britaniya, Kanada, Yangi Zelandiya va boshqa mamlakatlardagi foydalanuvchilar uchun qayta tiklandi.
Oldinroq Giglink.uz Mask Twitter ijtimoiy tarmog‘i logotipini o‘zgartirgan va bu Doge kriptovalyuta qiymatiga ta’sir qilgani haqida xabar bergan edi.
Mavzuga oid
Soʻnggi yangiliklar
02 iyul, 14:29
25 iyun, 11:07
24 iyun, 14:41
23 iyun, 15:10
