Ilon Mask Microsoft’ni Twitter maʼlumotlaridan noqonuniy foydalanishda ayblab sudga bermoqchi

Ijtimoiy tarmoqlar

21 aprel, 07:47

Twitter bosh direktori Ilon Mask Microsoft'ni sunʼiy intellekt modelini oʻrgatish uchun ijtimoiy media maʼlumotlaridan noqonuniy foydalanganlikda ayblamoqda.

Mask tahdidini Microsoft Twitterʼni oʻzining reklama platformasidan olib tashlashini maʼlum qilganidan soʻng yozib qoldirgan.

Mask, odatda, Twitter sahifasida hech qachon amalga oshmaydigan rejalar haqida tez-tez yozib turadi. Dunyo OAVi jimligiga qaraganda, Tesla rahbari sudga hech qanday daʼvo bermagan koʻrinadi. Twitter va Microsoft vakillari mazkur holatga izoh berishdan bosh tortdi.

Maskning tahdidi esa, sunʼiy intellekt uchun boʻlayotgan kurashda maʼlumotlarga egalik huquqi “yonib turgan nuqta” ekanligini koʻrsatmoqda. OpenAI kabi yirik texnologik kompaniyalar ilgʻor AI modellarini yaratish ustida ishlayotgan bir paytda, maʼlumotlar egalari ularni toʻxtatib qoʻymoqchi yoki kontentidan foydalanayotgani uchun haq undirmoqchi.

Ilon Maskni ChatGPT’dan quruq qoldirgan hokimiyat uchun kurash

Microsoft oʻzining katta til modellarini (LLM) ishlab chiqmoqda va OpenAI modellari obunasini sotishi ko‘zlangan. Oʻtgan yili Microsoft OpenAIʼga 10 milliard dollar sarmoya kiritgan edi. Mask 2018-yilda sarmoya kiritishdan bosh tortib direktorlar kengashini tark etgandi.

GPT kabi LLM loyihalari terabaytlab maʼlumotlarni talab qiladi, ularning aksariyati Reddit, StackOverflow va Twitter kabi saytlardan keladi. Ijtimoiy tarmoqlardan olingan maʼlumotlar qimmatlidir, chunki u norasmiy suhbatlarni qamrab oladi.

Mask shuningdek, oʻzining TruthGPT deb nomlangan yirik til modelini yaratish rejasini eʼlon qilgandi.