Endi qushcha uchib chiqmaydi: Twitter logotipi oʻzgardi va bu kriptovalyuta qiymatiga ta’sir qilmoqda

Bundan 1 soatcha oldin bu haqida oʻz twitter sahifasida maʼlum qilgan Mask bir vaqtlar bergan vaʼdasi ustidan chiqqanini bilan maqtanib ham oʻtishga ulgurdi. 

Yangi logotipdagi twitterʼni siz tarmoqning brauzer versiyasiga kirib koʻrishingiz mumkin.

Ilova logotipi oʻzgarishi mutlaqo boshqa taraf: Doge (ayni paytdagi logotip tasviridagi kuchukcha-mem “dogecoin” kriptovalyutasini anglatadi) kriptovalyutachilar uchun muhim boʻlmoqda. Mazkur maqolani biz hozir qanchalik tez yozayotgan boʻlsak, dogecoin qiymati ham salkam shunchalik yuqorilab bir qadar tushishga ham ulgurdi.

Maʼlumot oʻrnida shuni aytish kerakki, uzoq vaqtlar dogecoin borasida turli bahslar boʻlgan: koʻpchilik mem-kuchukchani kriptovalyuta sifatida jiddiy qabul qilmagan. Bu kriptovalyuta esa Ilon Maskka tegishli. Twitterʼdagi soʻnggi yangilanish esa Maskning “tangasi” tang ahvolga uchragani bilan bogʻliq: kriptovalyuta narxi tushib borgani sari investorlar oʻrtasida turli noroziliklar va undan tashqari baʼzi mojarolar tufayli sobiq sayyora milliarderi sudgacha yetib bordi. 

Sud daʼvosida esa Maskning advokatlari dogecoinni tez kunlarda “deyarli 10 milliard dollarlik bozor kapitalini ushlab turishda davom etuvchi qonuniy kriptovalyuta” deb atagan. Soʻnggi taxminlar ham ushbu ilova yangilanishi Maskning umumiy daʼvosining bir qismi, deb aytmoqda.

Eslatib o‘tamiz, oldinroq Mask o‘z itini Twitter’ning rahbari deb tayinlagan edi.