YouTubeʼda mashhur boʻlish uchun samolyotni halokatga uchratgan blogerni 20 yil qamoq jazosi kutmoqda
16 may, 11:49YouTubeʼda videolari koʻrishlar sonini oshirishni istagan Trevor Jeykob samolyotini atayin halokatga uchratgan. Natijada, AQSh federal tergov jarayonini chalgʻitishda aylanib 20 yil qamoq jazosiga tayinlanishi mumkin.
Bu haqda AQSh Adliya vazirligi xabar berdi.
Jeykob videoda oʻz samolyotini ataylab halokatga uchratishni rejalashtirganini tan oldi. Keyinroq u federal tergovchilarning halokat joyini tekshirishiga yoʻl qoʻymaslik uchun samolyot qoldiqlarini yigʻib, yoʻq qildi, dedi agentlik. Endi uni 20 yilgacha federal qamoq jazosi kutmoqda.
2021-yil 24-noyabr kuni bloger Kaliforniyaning Lompok-Siti aeroportidan oʻz samolyotida havoga koʻtarilgan. Jeykob oʻz manziliga yetib borish niyatida emas edi, aksincha, parvoz paytida samolyotdan parashyutda tushayotganini tasvirga olishni rejalashtirgan”, — deyiladi Adliya vazirligi bayonotida.
Shuningdek, u qulayotgan samolyotini ham suratga olishni rejalashtirgan.
Jeykob halokatdan ikki kun oʻtib Milliy Transport xavfsizligi kengashiga avariya haqida xabar berdi va halokat joyini aniqlashga rozi boʻldi. Biroq keyinchalik u halokat qayerda boʻlganligini bilmayman, deb rasmiylarga yolgʻon gapirgan. Dekabr oyida u halokat joyidagi samolyot qoldiqlarini yigʻib izlarni berkitgan.
Halokatdan taxminan bir oy oʻtgach, u halokat va parashyutdan sakrashi aks etgan “Samolyotimni qulatdim” (I crashed my airplane) deb nomlangan videoni YouTubeʼga yukladi.
Avvalroq dunyoda birinchi marta ChatGPT yordamida soxta yangiliklar tarqatilgani uchun jinoiy javobgarlikka tortilgandi.
Mavzuga oid
Soʻnggi yangiliklar
02 aprel, 14:03
02 aprel, 08:45
01 aprel, 11:15
16 fevral, 21:56
