Nokia Oyda muz topish uchun 4G internetini ishga tushirmoqda

Nokia 2023-yil oxirigacha Oyda 4G internetni (LTE) ishga tushiradi. SpaceX hamkorlikda amalga oshiriladigan mazkur texnologiyani o‘rnatish NASA homiyligidagi Artemida missiyasining bir bosqichi hisoblanadi.

Nokia bosh muhandisi Luis de Teminyoning soʻzlariga koʻra, maxsus texnologiya yaqin oylarda SpaceX raketasi yordamida Yer sunʼiy yoʻldoshiga yuboriladi. Infratuzilmaning aniq joylashuvi sifatida Oyning janubiy qutbidagi Shaklton krateri tanlangan.

Qayd etilganidek, roʻyxatga Intuitive Machines tomonidan ishlab chiqilayotgan Nova-C landeridagi baza stansiyasi kiritiladi. Shuningdek, oy yuzasida yuruvchi texnikadan foydalaniladi.

Nokiaʼning maʼlum qilishicha, 4G kelajakda Oyga parvoz qiladigan astronavtlarga oʻzaro hamda missiyani boshqarish markazi bilan aloqa oʻrnatish, turli texnikalarni masofadan boshqarish, video-translyatsiya va uyali tarmoq orqali boshqa maʼlumotlarni uzatish imkonini beradi. Shu bilan birga, uyali aloqa anʼanaviy radioga qaraganda ancha barqaror va ishonchli boʻladi.

Oy muzi

Nokia oy da LTE yuqori internet tezligini oʻrnatishdan asosiy maqsadlaridan biri — bu oyda muz topishdir. Oy yuzasining katta qismi quruq, biroq yaqinda Oyga uchuvchisiz parvozlar uyushtirilganida kraterlarga yopishib qolgan muz qoldiqlarini aniqlangan.

Agar yetarli miqdorda muz (suv) manbai topilsa, uni tozalab isteʼmol uchun ishlatish, raketa yoqilgʻisi sifatida foydalanish yoki astronavtlar nafas olishi uchun kislorodga parchalashda (H2O) qoʻllash mumkin.

Qisqacha qilib aytganda, kelgusida koinot boʻylab hayot manbalari topilganida turli kosmik missiyalar (sayohatlarni) amalga oshirish mumkin boʻladi.

Ma’lumot uchun, Yerning sun’iy yo‘ldoshi doimo turli tadqiqotlar markazida bo‘lib kelgan. Olimlar shuningdek, uni Yerdan keyingi yashash uchun eng yaxshi variantlar biri, deb hisoblashadi. Misol tariqasida, ayni paytda Oy uchun alohida vaqt mintaqasi (time zone) ishlab chiqilishi ham boshlangan edi. Bu nega kerak, deysizmi? Javobi bu yerda — https://giglink.uz/p/0634477

Mavzuga oid

Soʻnggi yangiliklar

TikTok Shop: yana bir ijtimoiy tarmoq doʻkoni qanchalik xavfsiz?
Tarmoq foydalanuvchilari For You boʻlimida TikTok doʻkonidan xarid qilish mumkin boʻlgan mahsulotlar reklamalari tez-tez ko‘rinayotganini payqashdi.
Ijtimoiy tarmoqlar
23 fevral, 09:52
Apple Vision Pro haqida barcha muhim va qiziq ma’lumotlar
Taqdimotidan 1 yil oʻtib — 2024-yilning 2-fevral kuni Vision Pro sotuvga chiqarildi va ayni paytda dunyo boʻylab muhokama mavzusiga aylandi.
Texnologiya
14 fevral, 16:15
Asus ROG Strix Scar 18: o’yin ishqibozlari uchun “monstr-kompyuter”
18 dyuymli, ulkan va noqulay oʻyin kompyuteri bilan sizni nimalar kutayotganini tasavvur qilish qiyin. Ammo…
Geyming
09 fevral, 17:54
2024-yilda eng yaxshi byudjetli smartfonlar xususiyatlari
Quyida narxi oʻrtacha 150-300$ atrofidagi smartfonlarni sotib olayotganda qanday xususiyatlarga eʼtibor berish kerakligi haqida qisqacha qoʻllanmani toʻpladik.
Smartfon
05 fevral, 16:20