Nokia Oyda muz topish uchun 4G internetini ishga tushirmoqda

Nokia bosh muhandisi Luis de Teminyoning soʻzlariga koʻra, maxsus texnologiya yaqin oylarda SpaceX raketasi yordamida Yer sunʼiy yoʻldoshiga yuboriladi. Infratuzilmaning aniq joylashuvi sifatida Oyning janubiy qutbidagi Shaklton krateri tanlangan.

Qayd etilganidek, roʻyxatga Intuitive Machines tomonidan ishlab chiqilayotgan Nova-C landeridagi baza stansiyasi kiritiladi. Shuningdek, oy yuzasida yuruvchi texnikadan foydalaniladi.

Nokiaʼning maʼlum qilishicha, 4G kelajakda Oyga parvoz qiladigan astronavtlarga oʻzaro hamda missiyani boshqarish markazi bilan aloqa oʻrnatish, turli texnikalarni masofadan boshqarish, video-translyatsiya va uyali tarmoq orqali boshqa maʼlumotlarni uzatish imkonini beradi. Shu bilan birga, uyali aloqa anʼanaviy radioga qaraganda ancha barqaror va ishonchli boʻladi.

Nokia oy da LTE yuqori internet tezligini oʻrnatishdan asosiy maqsadlaridan biri — bu oyda muz topishdir. Oy yuzasining katta qismi quruq, biroq yaqinda Oyga uchuvchisiz parvozlar uyushtirilganida kraterlarga yopishib qolgan muz qoldiqlarini aniqlangan.

Agar yetarli miqdorda muz (suv) manbai topilsa, uni tozalab isteʼmol uchun ishlatish, raketa yoqilgʻisi sifatida foydalanish yoki astronavtlar nafas olishi uchun kislorodga parchalashda (H2O) qoʻllash mumkin.

Ma’lumot uchun, Yerning sun’iy yo‘ldoshi doimo turli tadqiqotlar markazida bo‘lib kelgan. Olimlar shuningdek, uni Yerdan keyingi yashash uchun eng yaxshi variantlar biri, deb hisoblashadi. Misol tariqasida, ayni paytda Oy uchun alohida vaqt mintaqasi (time zone) ishlab chiqilishi ham boshlangan edi. Bu nega kerak, deysizmi? Javobi bu yerda — https://giglink.uz/p/0634477