Mortal Kombat haqida deyarli hech kim bilmaydigan qiziqarli maʼlumotlar

Yaratilishi jihatidan koʻplab uzoq va murakkab jarayonlardan oʻtgan Mortal Kombat qiziqarli hamda juda oz kishilargagina maʼlum boʻlgan faktlarga boy.

Qizgʻin jangovar sahnalardan iborat mazkur oʻyinlar seriyasi 11 ta qism, 2 ta film (aniqrogʻi, 3 ta), bir nechta serial va millionlab muxlislarga ega. Ushbu maqolada oʻyinga xos boʻlgan eng sara maʼlumotlarni ulashamiz*.

Mortal Kombat oʻynash Avstraliyada taqiqlangan

Gap shundaki, oʻyinning dahshatli sahnalari Avstraliya hukumati tomonidan qoralangan. Turli mamlakatlarda bunga yosh chegarasi belgisini (18+ yoki R) oʻrnatish bilan cheklanib qolishgan xolos. Bundan tashqari, MKni saqlash yoki tarqatish uchun siz 100.000 dollar jarimaga tortilishingiz mumkin.

Dasturiy xato natijasida paydo boʻlgan personaj

MK oʻyini ishlab chiqilgan paytlarda qiziq bir “bug” (dasturiy xato) yuz beradi.

Twitter
Twitter

Reptile bilan jangni ochgandan soʻng, yiqilish paytida qahramonning sprite rangi yashildan olovli rangga oʻzgargan va natijada nomi ham “makros xatosi”ga oʻzgaradi. Bu inglizcha ER _ MAC — Error macro tarzida ishlatiladi. Shu tariqa ERMAC personaji paydo boʻlgan.

Jaks birinchi boʻlimda paydo boʻlishi kerak edi

Bu temir qoʻlli atlet, aslida, butunlay boshqacha xarakterga aylanishi kerak edi (Straykerga oʻxshash). MK yaratuvchilari kikbokschi xarakterini yaratishga kirishdilar, ammo ular boshqa taniqli jangovar oʻyinning mualliflik huquqlarini buzishdan qoʻrqib Sonya Bleydni ishlab chiqdi. 

Aynan Sonya obrazi MK deyarli barcha qismlarida uchraydigan qahramonlardan biri hisoblanadi.

Gʻoyalar inqirozi

Qahramonlarni yaratishda kichik ammo muhim jihatlaridan biri — bu unga mos nom qoʻyishdir. Baʼzida ssenariy yozuvchilar tarixiy yoki afsonaviy obrazlar ismidan foydalanishadi, yanada kreativlar esa, jarangdor nom oʻylab topishi ham mumkin.

Midway ijodkorlari esa bu borada biroz oqsashini taxmin qilish qiyin emas. Hatto shunday boʻlganki, ishchi guruh baʼzi qahramonlar ismini oʻyin seriyasi taqdimotidan oldin “yoʻl-yoʻlakay” qoʻyib ketgan. Aytaylik, Sektor taqdimotgacha “ketchup” deb atalgan, Cyrex “xantal”, Cabal esa “sandman-qum odam” boʻlgan.

Kombo

MKning dastlabki qismlari rang-barang kombinatsiyalar boʻlmagan va asosan barcha jangovar texnikalar mushtlashish va sakrash orqali zarba berish bilan cheklanib qolgan. Keyinchalik boshqa texnikalar ham qoʻshilgan, qahramon uchun urishish taktikalarini ochish tartibi ayniqsa geymerlarga yoqib tushdi.

Nub Saibot

Balki endigi fakt haqida baʼzilar bilar, biz esa batafsilroq maʼlumot beramiz. Nub Saibot ismli qora tanli ninzyani hamma taniydi. Uning ismini kelib chiqishini-chi?

Qora ninzya nomi uni ishlab chiqqan Jon Tobias va Ed Boonʼning ismlari teskari oʻqilishidan kelib chiqqan (bu nom topish borasida jamoaning “kreativligiga” yana bir isbot boʻlsa kerak).

Bu yoshi 30 dan oshgan oʻyin haqida qiziqarli maʼlumotlarning bir qismi xolos. Oʻyin yaratilgan 1992-yilda internet boʻlmagan, aniqrogʻi ommaviy foydalanish uchun ochiq boʻlmagan. Internet ommalashgan 2010-yilda Mortal Kombat bir necha seriyalar ishlab chiqilgan, filmlar tariqasida taqdim etilishga ulgurgandi.

Xoʻsh, biz keltirgan maʼlumotlarning qaysilarini bilar edingiz? Yanada qiziqarli va foydali maqolalarni oʻtkazib yubormaslik uchun Telegram kanalimizga obuna boʻlib qoʻying.

*maqola internet materiallari asosida tayyorlandi.

Mavzuga oid

Soʻnggi yangiliklar

iPhone 17 Pro qanday bo‘lishi mumkin? Yangi rasmlar paydo bo‘ldi
Plus modeli to‘xtatiladi, uning o‘rnini iPhone 17 Air egallaydi. 2025-yilda chiqishi rejalashtirilgan yangi seriya standart versiya, Air, Pro va Pro Max modellaridan iborat bo‘ladi.
Smartfon
25 yanvar, 00:30
Samsung Galaxy S25 va Galaxy S25+ taqdim etildi: Narxlar va xususiyatlar haqida to‘liq ma’lumot
Samsung o‘zining yangi flagman smartfonlari – Galaxy S25 seriyasini rasman taqdim etdi. Ushbu seriyaga Galaxy S25, Galaxy S25+ va Galaxy S25 Ultra modellari kiradi.
Smartfon
23 yanvar, 10:54
Samsung Koreyada Galaxy S25 seriyali telefonlari uchun obuna xizmatini ishga tushirdi
bu sizga har yili yangi telefonni yarim narxda almashtirish imkonini beradi.
Smartfon
21 yanvar, 16:49
SpaceX kompaniyasining Starship raketasi Mufaqiyatsizlikga uchradi
SpaceX kompaniyasining Starship raketasi yettinchi sinov parvozini amalga oshirdi.  Kompaniya parvoz vaqtida raketaning yuqori qismini yo‘qotdi. Biroq raketaning pastki qismi muvaffaqiyatli qaytarilib, kosmodromda maxsus mexanik moslamalar yordamida qo‘lga olindi.
Texnologiya
17 yanvar, 14:33