Yangi smartfon: kuchli xususiyatlarga ega Sony Xperia 1 V kamerofoni

Kutilganidek, Sony 11-may kuni yangi Xperia 1 V flagmanini chiqardi. Oʻzidan oldingilarida boʻlgani kabi, yangilikda ham asosiy eʼtibor kamera imkoniyatlariga qaratilgan.

GSMArena.com maʼlumotlariga koʻra, bu koʻp qatlamli Exmor T sensoriga ega boʻlgan birinchi kamerofon boʻlib, u past yorugʻlikda suratga olishni keyingi bosqichga olib chiqishni vaʼda qilmoqda. Fotodiod va tranzistor ikkita alohida qatlamga ajratilgan noyob pikselli struktura unga mavjud yorugʻlikni maksimal darajada oshirishga va fotosuratdagi shovqinni kamaytirishga yordam beradi.

Asosiy sensordan tashqari, Sony kompaniyasining yangi flagmani 12 megapikselli, fokus masofasi 85-120 mm va uzluksiz zoomʼga ega telefoto linza bilan jihozlangan. Yana bir 12 megapikselli sensor 16 mm avtofokusli ultra keng kamera ortida joylashgan. Avvalgi gadjetlarda ishlatilgan ToF sensori oʻrnini SI algoritmlari bilan almashtirilgan.

• Ekran: 6,5 dyuymli OLED, 3840x1644 piksel, 120 Gts, X1 Mobile protsessor, DCI-P3 100%, 4K HDR, 10 bitli, Gorilla Glass himoyasi Victus 2 (ekran) va Victus 1 (qopqoq);

• Protsessor: Qualcomm Snapdragon 8 Gen 2;

• Xotira: 12/256 GB, 12/512 GB;

• Kamera: 52 MP asosiy (1/1,35 dyuymli Exmor T sensori, f/1,9, OIS), 12 MP ultra keng, 12 MP telefoto / 12 MP old kamera;

• Batareya: 5000 mA/soat, tez zaryadlash 30 Vt;

• OT: Android 13;

• IP65/IP68: suv va changdan himoya;

• USB 3.2 Type-C.

Taʼkidlaganimizdek, Sony Xperia 1 V narxi qimmat — 1 635$. Avvalroq mish-mishlarga ko‘ra, uning narxi 1 160$ bo‘lishi kutilgan edi va o‘sha summa ham nisbatan yuqori hisoblanadi. Smartfon uchta: qora, kumush va toʻq yashil rangda taqdim etilgan. Sotuv 28-iyulda boshlanadi, hozircha oldindan buyurtma qilish mumkin boʻlib, AQShga yetkazib beriladi.