Apple iOS 17 da ilovalarni App Storeʼdan boshqa manbalardan yuklab olish imkonini beradi

Texnologiya

18 aprel, 15:41

Yangi funksiyaga koʻra, endi ilovalarni nafaqat App Storeʼdan, balki uchinchi tomon manbalaridan ham yuklab olish imkoniyati paydo boʻladi.

Bloomberg jurnalisti va insayder Mark Gurmanning aytishicha, uzoq kutilgan funksiya tez orada iOS operatsion tizimida paydo boʻladi.

Nimalar maʼlum?

Yangilik iOS 17 da paydo boʻlishi kerak. Shuningdek, u dasturchilarga App Store soligʻini chetlab oʻtishga imkon beradi, bu hozirda 15% dan 30% gacha boʻlib kelmoqda.

Apple bu qadamni 2022-yil noyabr oyida kuchga kirgan Yevropa Ittifoqining raqamli bozorlar toʻgʻrisidagi yangi qonuni tufayli qabul qilishga majbur boʻldi. U dasturchilarni foydalanuvchilarga uchinchi tomon ilovalari doʻkonlariga kirish huquqini berishga chaqiradi.

Aytgancha, bunga qoʻshimcha ravishda iOS 17 da yangilangan Control Center, yangi Health ilovasi, takomillashtirilgan Always-On Display funksiyasi va interaktiv vidjetlar ham boʻladi.

Tizimning chiqarilishi iyun oyi boshida WWDC 2023 taqdimotida boʻlib oʻtadi.

Oldinroq WWDC 2023 taqdimotda namoyish qilinadigan yangiliklarning qisqacha ro‘yxati ma’lum qilingan edi.