Siri ovozli yordamchisi Dinamik orolga joylashtiriladi

Smartfon

14 aprel, 08:15

Apple Siri interfeysini Dynamic Island’ga koʻchirishni rejalashtirmoqda. Bu smartfon ekranida koʻproq boʻsh joy qolishini taʼminlaydi.

Bugun iOS 17 yangiliklari bilan oʻrtoqlashgan 941 norasmiy, biroq ishonchli Apple insayderi operatsion tizimning navbatdagi yangilanishi haqida aytib o‘tdi. Twitter ijtimoiy tarmog‘idagi blogida qoldirgan xabarlarning birida esa, Siri ovozli yordamchisi interfeysi joyi o‘zgarishini ma’lum qilgan.

Hozirda Siriʼni smartfon tugmasini bosish yoki “Hi, Siri” ovozli buyrugʻi bilan chaqirganingizda, ekranning pastki qismida animatsion sfera paydo boʻladi. Virtual yordamchi tinglayotganda shar ekranda qoplangan holda qoladi va soʻrov bilan bogʻliq barcha tafsilotlar ekranning yuqori yoki pastki qismida fonni xiralashtirib chiqib turadi.

Siriʼni Dinamik orolga koʻchirganda ekrandagi kontent toʻliq koʻrinib turadi.

Anonim manbaga koʻra, Apple hozirda sinovdan oʻtkazayotgan Siri Dynamic Island versiyasidan foydalanishi yoki foydalanmasligi aniq emas.

Kompaniya bu yil Dynamic Islandʼni barcha toʻrtta iPhone 15 modeliga qoʻshishi kutilmoqda. iPhone 15 tafsilotlari haqida oldingi xabarlarimizda tanishishingiz mumkin.