Bill Geyts oʻz hayotini haydovchisiz boshqariladigan avtomobilga ishonib topshirdi
30 mart, 18:19Microsoft asoschisi sun’iy intellekt yordamida avtomatik boshqariladigan mashinada London boʻylab sayohat qildi.
Microsoft rahbari yangi texnologiyalar ishonchliligini oʻz koʻzi bilan koʻrish uchun Buyuk Britaniya poytaxti koʻchalari boʻylab haydovchisiz transport vositasida sayr qildi. Milliarderning “maroqli sayohati” aks etgan video uning shaxsiy blogiga joylangan.
“Bu sayohat men uchun unutilmas boʻldi. Mashina bizni haydash sharoiti boʻyicha eng qiyin shaharlardan biri boʻlgan London markazidan olib oʻtdi”, — dedi u.
Geytsning soʻzlariga koʻra, “mazkur mashinadagi sayohat biroz aql bovar qilmas boʻlgan” — mashina boshqa mashinalarni avtomatik tarzda chetlab oʻtgan. Tadbirkorning tushuntirishicha, haydovchisiz boshqariladigan transportda har ehtimolga qarshi qoʻshimcha haydovchi ham boʻlgan.
“Hozirda biz haydovchiga baʼzi hollarda boshqaruvni avtomobilga topshirsa boʻladigan transportlar ishlab chiqarishimiz maqbul yoʻl, deb hisoblayman. Keyingi oʻng yillikda esa mutlaqo haydovchisiz boshqariladigan mashinalar davriga oʻtkaz boʻladi”.
Milliarder har doim mashina haydashni yaxshi koʻrganini, biroq u mashina boshqaruvini sunʼiy intellektga oʻtkazishni intiqlik bilan kutayotganini taʼkidladi.
“Bu davrga kelganimkizda, kompyuter ofis ishini oʻzgartirganidek, dronlar ham avtomobil sanoatini keskin oʻzgartiradi”, deb xulosa qilgan u.
Avvalroq haydovchisiz elektromobil rekord natijada 1,5 million kilometr masofani bosib oʻtgan edi.
Mavzuga oid
Soʻnggi yangiliklar
26 noyabr, 22:36
26 noyabr, 10:41
25 noyabr, 09:06
18 noyabr, 23:55
