Xiaomi $100 narxdagi 4 nm protsessorli superarzon smartfon chiqardi

Xiaomi yangi Redmi A4 5G smartfonini taqdim etdi. Bu dunyodagi ilk Qualcomm Snapdragon 4s Gen 2 protsessoriga ega smartfon.

Xiaomi Redmi A4 5G

Xiaomi kompaniyasi dunyoda ilk bor Qualcomm Snapdragon 4s Gen 2 protsessorli Redmi A4 5G smartfonini ishlab chiqardi. Bu 4 nanometrli chip bo'lib, smartfon o'z narx toifasida bunday texnologiyali protsessorga ega bo'lgan yagona qurilma hisoblanadi.

4 nanometr, ammo flagman emas

Bu texnologiya yutuqlarini yaqqol namoyish qiluvchi holat, chunki ikki yil oldin 4 nm protsessorlar faqat flagman smartfonlarda va qimmat telefonlarda uchrardi. Bugungi kunda esa ular arzon segmentga o'tib, yuqori texnologiyani kengroq auditoriyaga taqdim etmoqda.

Redmi A4 5G birinchi navbatda Hindistonda sotuvga chiqarildi. Bu yerda 64 GB xotiraga ega model taxminan 97 dollarga sotilmoqda. 128 GB modeli esa 110 dollarga. Har ikki variantda 4 GB operativ xotira mavjud bo'lib, uni virtual ravishda 8 GB gacha oshirish mumkin. Smartfon qora va binafsha ranglarda taqdim etiladi.

Xiaomi Redmi A4 5G ranglari 
Xiaomi Redmi A4 5G ranglari 

Protsessor va xotira

Snapdragon 4s Gen 2 haqida muhim ma'lumotlar:

Asosiy xususiyatlari:

- Bu Qualcomm kompaniyasining eng yangi ishlanmasi

- TSMC zavodi tomonidan 4 nanometrli zamonaviy texnologiya asosida ishlab chiqarilgan

- Arzon narxdagi smartfonlar uchun maxsus yaratilgan

Protsessor tuzilishi:

- 2 ta asosiy yadro: Cortex A78 (2 GHz tezlikda ishlaydi)

- 6 ta qo'shimcha yadro: Cortex A55 (1.8 GHz tezlikda ishlaydi)

- Grafika uchun: Adreno 611 tezlatkichi

Ishlash tezligi (test natijalari):

- AnTuTu 10 dasturida: 384,000 ball

- Geekbench 6 dasturida: 1,900 ball (ko'p yadroli rejimda)

Xotira turlari:

- Operativ xotira: LPDDR4X formatida

- Ichki xotira: UFS 2.2 texnologiyasi

- Eslatma: Protsessor UFS 3.1 tezroq xotirani qo'llab-quvvatlasa ham, narxni arzon qilish maqsadida UFS 2.2 tanlangan

Ekran imkoniyatlari

Redmi A4 5G 5G tarmog'ini qo'llab-quvvatlashdan tashqari, katta ekran bilan jihozlangan. Uning ekran diagonal o'lchami 6,88 dyuymni tashkil etadi, bu iPhone 16 Pro Max flagmaniga deyarli teng. Biroq, pastki ramkasi  va yuqori hamda yon ramkalari ancha katta.

Smartfonning IPS displeyi HD+ (1640x720) aniqlikda va 120 Gts adaptiv chastotali. Uning maksimal yorqinligi 600 nitni tashkil etadi. Fingerprint skaneri ekranga o'rnatilmagan, u quvvat tugmasiga joylashtirilgan.

Kamera

Orqa kameralar:-Smartfonning orqa tomonida katta hajmdagi kamera moduli joylashgan bo'lib, u qurilma orqa qismining taxminan 30 foizini egallaydi, Modul ko'rinishidan 4 ta kameraga ega bo'lib ko'rinsa-da, aslida asosiy asosiy kamera bitta.

- Asosiy kamera xususiyatlari:

* 50 megapiksel (yuqori aniqlikdagi suratlar uchun)

* f/1.8 apertura (yaxshi yorug'lik qabul qilish uchun)

* Yuqori sifatli tungi suratlar va portret rejimida ishlash imkoniyati

Old kamera esa 5 MP (f/2.2) datchik bo'lib, u ekranning yuqorisidagi kichik joyga o'rnatilgan. Ikkala kamera ham Full HD (1920x1080) videolarni 30 kadr/soniyada yozadi.

Qo'shimcha imkoniyatlar

Redmi A4 5G kattaroq, 5160 mA/soat sig'imli batareyaga ega, bu 5000 mA/soatli odatiy sig'imdan biroz katta. Tez quvvat olish imkoniyati esa 18 vatt bilan cheklangan. Shunga qaramay, Xiaomi o'z ichiga 33 vattlik quvvat manbaini ham qo'shgan, bu alohida qulaylikdir.

Telefon ikkita SIM-kartani qo‘llab-quvvatlaydi va 1 TB gacha xotira qo‘shish uchun microSD slotiga ega. Qurilma faqat bitta karnay va mikrofon bilan jihozlangan, bundan tashqari 3,5 mm audio raz‘yomi mavjud. Simsiz ulanish texnologiyalari sifatida Bluetooth 5 va Wi-Fi 5 (802.11ac) bilan ishlaydi.

Redmi A4 5G plastik korpusga ega, uning o‘lchamlari 172x78x8 mm, og‘irligi esa 212 gramm. Telefon Android 14 operatsion tizimida ishlaydi va Xiaomi HyperOS interfeysiga ega. Kompaniya ushbu model uchun 2 yil davomida dasturiy ta'minot yangilanishlari va 4 yil xavfsizlik yamoqlarini kafolatlaydi.

Redmi A4 5G IP52 standarti bo‘yicha chang va suvdan minimal darajada himoyalangan. Shunga qaramay, qurilmaning orqa paneli shishadan tayyorlangan, bu esa unga nafis ko‘rinish beradi.

Mavzuga oid

Soʻnggi yangiliklar

Arzon narxda smartfon: Samsung Galaxy A25 bozorda sezilarli darajada arzonlashdi!
Samsung Galaxy A25 modelini narxidan boshqa yana qanday afzalliklari bor?
Smartfon
04 fevral, 16:07
Google Tarjimon ilovasiga "Savol berish" funksiyasi qo'shilmoqda
AI yordamida tarjima yangi bosqichga ko'tariladi
AI
01 fevral, 20:47
Autizmni atigi 1 daqiqada aniqlay oladigan videoo'yin.
Olimlar bolalarda autizm bor-yoʻqligini atigi bir daqiqada aniqlash imkonini beruvchi noyob vosita yaratdilar.
Texnologiya
30 yanvar, 16:23
NASA va SpaceX 7 oy kosmosda qolgan astronavtlarni qaytarish uchun birlashdi
NASA ning 2 astronavti texnik nosozliklar sababli Xalqaro kosmik stansiyada 7 oydan beri yashamoqda. Dastlabki rejalarga ko‘ra, ularning missiyasi 8-10 kun davom etishi kerak edi.
Lifestyle
30 yanvar, 13:47