Google yangi qidiruv tizimi izlaganingizni aytmasingizdan oldin muhayyo qiladi

“Yangi qidiruv tizimi foydalanuvchilarga kompaniyaning joriy xizmatidan koʻra koʻproq individuallashtirilgan xizmatni taklif qiladi, foydalanuvchi nimani istayotganini oldindan bilishga harakat qiladi”, deb yozadi New York Times.

Maʼlumotlarga qaraganda, Google dizaynerlar, dasturchilar va rahbarlar jamoasiga “dunyo boʻylab telefonlar va uylargacha sunʼiy intellektni olib kiradigan” ushbu yangi qidiruv tizimini ishlab chiqishni topshirdi.

Yangi Google qidiruv tizimi hozircha ishlab chiqarishning dastlabki bosqichida, qachon tayyor boʻlishi aniq emas.

Yangi qidiruv tizimi “foydalanuvchilar qidirayotgan narsalariga asoslanib, nimani izlayotganini bilib oladi”. Bundan tashqari, u “sotib olish uchun mahsulotlar, oʻrganish uchun maʼlumotlar va boshqalarning oldindan tanlangan variantlar roʻyxatini taklif qiladi”. Shu bilan birga, qidiruv tizimi foydalanuvchi bilan koʻproq suhbatlashishga intiladi.

Project Magi foydalanuvchilarga qidiruv eʼlonlarini sahifaga joylashtirish orqali tranzaksiya qilishda yordam beradi.

2009-yilda Google barcha qidiruv natijalari foydalanuvchilar uchun moslashtirilganligini taʼkidlab, qidiruv natijalarini keskin individuallashtirishga harakat qildi. Ammo oradan oʻn yil oʻtib Google individuallashtirish kam samara berayotganini, aniqrogʻi kutilganidek ishlamaganini tan oldi.

Google mutlaqo yangi qidiruv tizimi ustida ishlayotgan bir paytda, 160 dan ortiq Google xodimlaridan iborat jamoa mavjud Google qidiruviga yangi xususiyatlarni qoʻshish ustida ishlamoqda. Xabarlarga koʻra, ushbu loyihaning ishchi nomi Magi boʻlib, keyingi oyning boshida foydalanuvchilar uchun qisman chiqarilishi mumkin.

Hisobotga koʻra, Magi foydalanuvchilarga poyabzal sotib olish yoki reyslarni bron qilish kabilarni bajarishda yordam beradi.

“Hujjatga koʻra, Google kompyuter kodlari javoblari ostida reklama joylashtirishi mumkin”, deyiladi.

Google ayni paytda bir nechta loyihalar ustida ishlamoqda, jumladan:

Googleʼning OpenAI va Microsoft bilan raqobatlashishga intilib qanchalik tez oʻzgarib borishi, yangi SI loyihalariga munosabat bildirishi qiziq. Oldinroq Google ChatGPT bilan raqobat qilish uchun BARD AI chatbotini ishga tushirgandi.

Ayni paytda Google Search qidiruv tizimi nihoyatda tez oʻzgarib bormoqda va keyingi bir necha oy ichida qidiruv reklamasi, SEO hamda marketingning boshqa shakllari qanday koʻrinish olishi yanada qiziqtirib bormoqda.