Oʻtkazib yubormang: bugun oʻzbekistonliklar sayyoralar paradini kuzatishi mumkin

Texnologiya

28 mart, 16:45

Sayyoralar paradi, 2023-yil 28-mart, yaʼni bugun tunda osmonning 50 graduslik kichik sektorida beshta sayyora (Yupiter, Merkuriy, Venera, Uran va Mars) saf tortishining guvohi boʻlishingiz mumkin. Hodisadan yaxshiroq baxramand bo‘lishingiz uchun ilovalar va sayyoralar joylashuvi haqida quyida batafsil ma’lumot beramiz.

Sayyoralar paradida ufq tomonda ikkita yorqin yulduz: Yupiter (kattaligi -2,1) va Merkuriy (kattaligi -1,3) joy oladi. Balandroqda porlayotgan Venerani topasiz. Oldin xabar berganimizdek, Uranni koʻrish uchun sizga durbin kerak boʻladi, u Veneradan taxminan 2 ° masofada 5,8 magnitudada porlab turadi. Mars (kattaligi 0,9) osmonda, Egizaklar turkumidagi oʻtib borayotgan Oy yaqinida yorqinroq porlaydi.

Bugun mazkur astronomik hodisani kuzatish uchun eng ajoyib imkoniyat, aslida sayyoralar paradini ertaga ham koʻrinish mumkin, biroq bugungidek yorqin va aniq boʻlmaydi.

Paradni tomosha qilish uchun yarim tunni kutish shart emas: quyosh botganidan keyin osmon qorongʻilashishi bilanoq kuzatishni boshlash mumkin.

Hodisadan yaxshiroq bahramand boʻlishingiz uchun sizga Sky Tonight ilovasi yordamida osmondagi sayyoralarni qanday qilib osongina aniqlashni aytib beramiz.

Sky Tonight yordamida sayyoralarni aniqlash

Sky Tonight yordamida yulduz yoki sayyorani osongina bilib olishingiz mumkin:

Ilovani oching va qurilmangizni osmonga yoʻnaltiring yoki katta koʻk tugmani bosing. Ilova boshingiz uzra osmonni real vaqt rejimida koʻrsatadi va qurilmangiz harakatlarini kuzatib boradi.
Soʻng qurilmangizni osmonning siz aniqlamoqchi boʻlgan obyekt joylashgan qismiga yoʻnaltiring. Siz ekrandagi obyektlar sonini oddiy koʻz bilan koʻrinadigan qilishingiz mumkin. Buning uchun ekranning pastki panelini bosing va strelkani koʻz belgisiga yaqinlashtiring.
Ekranda obyekt nomini koʻrish uchun element ustiga bosing. Bunda yulduz yoki sayyora haqida koʻproq maʼlumot olishingiz ham mumkin.