One — “kelajak brauzeri” ishlab chiqildi

Texnologiya

25 aprel, 16:22

Operaning yangi brauzeri ChatGPT va ChatSonic chatbotlaridan foydalanish uchun oʻrnatilgan yon panelga ega. Bundan tashqari, ilovaga birinchi marta “tab”larni avtomatik ravishda guruhlash funksiyasi ham kiritildi. Mazkur funksiya Chrome brauzerida ham bor boʻlib, unda faqatgina qoʻlda sozlash mumkin.

Opera yangi One brauzerining dastlabki versiyasini taqdim etdi. Brauzer 2023-yilning oxirida barcha mobil va kompyuter tizimlari uchun joriy qilinadi.

Kelajak brauzeri minimalistik dizaynga ega boʻlib, u asosiy sahifadagi boʻsh joyni kengaytirish maqsadida ishlab chiqilgan boʻlib, keyinchalik foydalanuvchi yangi funksiya va kengaytmalarni, jumladan, sunʼiy intellekt bilan ishlashda foydali boʻlgan funksiyalarni ham qoʻshishi mumkin.

Oneʼning keyingi funksiyasida foydalanuvchilar ochadigan veb-saytlarni sahifalar mazmuniga qarab guruhlash mumkin boʻladi. Masalan, bitta “orol”da ijtimoiy tarmoqlar, boshqasida tez-tez kiriladigan manbalarni joylash mumkin. Buni qoʻlda ham qilish mumkin.

Bundan tashqari, Opera Oneʼda chatbotlardan foydalanish uchun turli tipʼlardan iborat yon panel mavjud bo‘lib, u ChatGPT, ChatSonic va AI kabilardan foydalanishga mo‘ljallangan.

Eslatib oʻtamiz, kompaniya birinchi marta chatbotlardan foydalanish uchun oʻrnatilgan yon panelni mart oyida koʻrsatgandi. Yangi xususiyat — tip yaʼni maslahatlar foydalanuvchiga neyron tarmoqlardan foydalanishning turli usullarini taklif qiladi, masalan, maʼlumot qidirishni avtomatlashtirish, matn yozish va boshqalar.

Avvalroq Opera o‘z brauzeriga bepul VPN qo‘shgan edi.