2023-yilda rekord darajada arzonlashgan 5 ta eng yaxshi smartfon
11 aprel, 12:47Yangi smartfonlarning narxiga qarab, baʼzida ular nima uchun bunchalik qimmat ekaniga hayron boʻlamiz. Android smartfonlari narxi tushishini esa 2-3 yil kutishingiz shart emas. Shu sababli oʻtgan yildan beri narxlari ancha maromiga kelib qolgan modellarga qarab endi xarid qilish fursati yetganini angladik.
Vivo Y35
Ushbu smartfon Oʻzbekistonga 2022-yil fevralida kirib kelganida 3 mln soʻmdan qimmatroq boʻlgan. Lekin kuzga kelib smartfon narxi rasman tushdi, garchi dunyo boʻylab narxi keskin pasaygan boʻlsada, vivo Y35 ning Toshkentdagi boshlangʻich bahosi negadir deyarli oʻzgargani yoʻq. Biz eng arzon modellarni izlab koʻrdik:
- 2 mln soʻm — olx
Boshqa barcha marketpleyslarda narxlar deyarli bir xil — 2 mln 545 ming — 2 mln 735 ming soʻm atrofida. Lekin siz texnika doʻkonlariga borib smartfonni ancha kelishtirilgan narxga savdolashib olishingiz ham mumkin.
- Ayni paytda Vivo Y35 jahon bozoridagi narxi (Hindiston, Pokiston, Rossiya) — 1 mln 300 ming soʻm atrofida.
Vivo Y35 oʻzining narxiga nisbatan ancha kuchli Snapdragon 680 protsessorida ishlaydi, ham yaxshi energiya tejamkorligiga ega. Avvalroq Vivo X90 xususiyatlarini batafsil ko‘rib chiqqan edik.
Redmi Note 11 Pro Plus
Redmi Note 11 Pro + 5G taxminan avgust oylarida bozorga kirib kelgan. 29-iyul kuni rasmiy eʼlon qilingan paytda, 6 mln 200 ming soʻm atrofida baholangan edi. Endilikda narxi global bozorda naq 2 barobar arzonlashgan.
- 3 mln 500 ming soʻm — Aliexpress
- Marketpleyslarda narxi 3 mln 900 ming soʻmdan boshlanadi https://www.zoodmall.uz/produc...
- Pro varianti — 3 mln 390 ming soʻm
Seriyasidagi eng kuchli smartfon bu —Redmi Note 11 Pro+ boʻlib, uning texnik jihatlari Note 11 Proniki bilan oʻxshash. Biroq, Pro+ modeliga nisbatan kuchliroq boʻlgan Dimensity 1200 chipi oʻrnatiladi hamda u 120 vatt tezkor quvvatlanish imkoniyatiga ega boʻladi.
Realme GT2 Pro
2022-yilda kirib kelgan flagman, qimmat Xiaomi va Samsung qurilmalaridan aslo qolishmaydi. Narxi sotuv boshida 12 mln 500 ming soʻm edi.
- Hozirgi narxi 8 mln 300 ming soʻmdan boshlanadi — kattabozor
Realme GT2 Pro ultra yuqori aniqlikdagi (WQHD+) va 1-120 Gts dinamik yangilanish tezligiga ega ekran, 50 megapikselli bir juft kamera, shuningdek, Snapdragon 8 Gen 1 flagman protsessori bilan jihozlangan.
Xiaomi 12
Xiaomi 12 smartfoni mamlakatimizga oʻtgan yilning may oyida yetib kelgan. Keyin u uchun deyarli 14 000 000 soʻmga baholandi.
Modelning asosiy afzalligi uning ixcham telefon ekanligidir. Bundan tashqari,
- shisha va metalldan yasalgan korobka;
- 120 Gts chastotali va Gorilla Glass Victus himoya oynasi;
- Snapdragon 8 Gen 1 protsessori;
- OIS bilan 50 megapikselli kamera;
- ultra tez simsiz zaryadlash 50W va 67W simli kabi ustunliklari bor.
- Marketpleyslardagi hozirgi narxi 7 mln 900 ming soʻmdan boshlanadi — kattabozor
Galaxy S22 Ultra
Ekran sifati va suratga olish nuqtai nazaridan Samsung Galaxy S22 Ultra oʻz seriyasidagi S23 dan qolishmaydi.
Avval boshda 14 mln atrofida baholangan smartfon hozirda
- 11 119 000 soʻm — Asaxiy
Qolgan marketpleyslarda narxi 12 mln soʻmdan boshlanadi.
Oldinroq 2023-yilda sotib olish uchun hamyonbop Xiaomi telefonlari ro‘yxati taqdim etilgandi.
Mavzuga oid
Soʻnggi yangiliklar
15 sentabr, 12:00 10 sentabr, 09:04
07 sentabr, 10:44 31 avgust, 13:42
