TikTok Tako nomli sunʼiy intellektli chatbotni sinovdan oʻtkazmoqda
26 may, 19:30Bu xususiyat ilovada “qidiruv va navigatsiyani keskin oʻzgartirishi” mumkin.
Tako chatboti soʻrovga asoslanib videolarni tavsiya etishi mumkin, xabar bermoqda The Verge.
Watchful Technologies firmasi mutaxassisi Deniel Buchuk taqdim etgan skrinshotlarga koʻra, Tako videoning oʻng tomonidagi TikTok profil belgisi ustiga joylanadi. Unga bosish orqali chat ekranini ochiladi, u yerda keng koʻlamli savollarga javob berishga qodir bot paydo boʻladi. TikTok Takoʻni takomillashtirish uchun qaysi sunʼiy intellekt modelidan foydalanayotgani nomaʼlum.
Tako foydalanuvchiga bot bilan suhbatni boshlashga yordam berish uchun tavsiya etilgan maslahatlarni koʻrsatadi. Buchukning soʻzlariga koʻra, “Agar men taom haqida videoni tomosha qilsam va retsept soʻrasam, bot retsepti boʻlgan shunga oʻxshash TikTok videolarini tavsiya roʻyxati koʻrinishida koʻrsatadi.“
TikTok matbuot kotibi Zachari Kizer chatbotni “cheklangan tajriba” deb atadi va The Verge nashriga u hozircha Shimoliy Amerika yoki Yevropadagi foydalanuvchilar uchun mavjud emasligini, test variant faqatgina Filippinda oʻtkazilayotganini aytdi.
Shuningdek, aniqlangan maʼlumotlarga koʻra, TikTok yaqinda Tako deb nomlangan “chatbot dasturiy taʼminoti” tovar belgisi uchun ariza topshirgan.
Ma’lumot uchun, TikTok ijtimoiy tarmog‘i ayni paytda O‘zbekistonda bloklangan, shuningdek, dunyo bo‘ylab hukumatlar miqyosida taqiqqa uchramoqda. Bu haqida batafsil mazkur maqolada o‘qishingiz mumkin: “Zararidan foydasi ko‘p”: tirikchiliklari haqida qayg‘urgan kichik biznes egalari TikTokʼning taqiqlanishiga qarshi.
Mavzuga oid
Soʻnggi yangiliklar
02 iyul, 14:29
25 iyun, 11:07
24 iyun, 14:41
23 iyun, 15:10
