TikTok Shop: yana bir ijtimoiy tarmoq doʻkoni qanchalik xavfsiz?

Tarmoq foydalanuvchilari For You boʻlimida TikTok doʻkonidan xarid qilish mumkin boʻlgan mahsulotlar reklamalari tez-tez ko‘rinayotganini payqashdi.

TikTok Shop nima va undan foydalanish xavfsizmi?

TikTok Shop — bu ilova ichidagi xarid qilish platformasi boʻlib, foydalanuvchilar videolarda koʻrgan mahsulotlarini bevosita ilova ichidan sotib olishlari mumkin. Ammo TikTokʼning doʻkoni Instagram kabi ilovalarnikidan sezilarli darajada farq qilishi aytilmoqda.

Yaʼni, odatda Instagram Shopʼda biror narsa xarid qilmoqchi boʻlganda mahsulotni biror saytga yoʻnaltirilgan holda sotib olinsa, TikTok'da foydalanuvchi ilovadan chiqib ketmay xaridni amalga oshiradi.

TikTok doʻkonidan foydalanish

TikTok doʻkonini “For you” boʻlining yuqori qismidagi “Shop” belgisini bosish orqali koʻrish mumkin.

Biroq, hozircha TikTok Shop barcha hududlarda mavjud emas, shuning uchun baʼzi foydalanuvchilar oʻz profilida bu yangilikni koʻrmasligi mumkin.

TikTok doʻkonida xarid qilish qanday xavf-xatarlarga ega?

TikTok Shop — bu tranzaksiya platformasi. Aytaylik, xalqaro Depop yoki Etsy saytlarida xarid qilishga oʻxshaydi. Yaʼni TikTok foydalanuvchi oʻz tovarlarini tarmoq orqali sotuvga qoʻyadi.

Shu sababli, oʻziga xos xavflar mavjud. TikTok uchun ilovadagi har bir sotuvchini kuzatib borish qiyin. Bunda xaridor sifatsiz buyumni olishi, sotib olgan narsasining yetib kelmasligi, mahsulotni umuman olmaslik yoki uzoq yetkazib berish muddati kabi muammolarga duch kelishi mumkin.

Ikkinchi xavf — bu TikTok doʻkonidagi sotuvchiga shaxsiy maʼlumotlaringizni taqdim etish bilan bogʻliq. TikTok oʻz veb-saytida xavfsiz toʻlov jarayonidan foydalanishini aytmoqda. Ammo bu borada batafsil maʼlumot berilmagan.

TikTok doʻkoni xavfsizmi?

TikTok doʻkonidan narsalarni sotib olish xavfsizligi, albatta, sotuvchiga bogʻliq.

Agar siz TikTokʼda biror narsa sotib olishni istasangiz, avvalambor, sotuvchining profilini TikTok va boshqa tarmoqlardan izlang. Postlari mazmuni va ostidagi izohlariga koʻz yugurtirib chiqing. Sotuvchi ijtimoiy tarmoqlarda oʻz mahsulotlari haqida kontent joylagan boʻlsa-ku nur ustiga nur.

TikTok Shopʼda mahsulot sharhlarini ham koʻrish mumkin. Sharhlarni oʻqib qanchalik xolisligiga baho bering.

Mavzuga oid

Soʻnggi yangiliklar

Xiaomi 2024-yildagi eng hamyonbop smartfonini chiqardi: u nimani qoyillatadi?
Poco C61 modeli tezkor ekran, ikkita kamera va katta xotira sigʻimiga ega.
Smartfon
04 aprel, 21:00
Xiaomi kompaniyasi Snapdragon 8s Gen 3 protsessorli eng kuchli Redmi Turbo 3 smartfonini chiqaradi.
Xiaomi Redmi Turbo 3 ni taqdim etadi, bu oʻrta byudjetli smartfon.
Smartfon
02 aprel, 13:23
Dunyoning eng yaxshi kamerali smartfon — iPhone ham, Samsung ham emas
Kamerafonning narxi 845 dollardan boshlanadi, bu esa raqobatchilarinikidan ancha arzon.
Smartfon
22 mart, 11:45
500 000 dollarga kosmosdagi shohona tushlik
Space Perspective SpaceVip bilan hamkorlikda tashqi orbitada Mishlen yulduzi darajasidagi taomlanishni taqdim qilmoqda.
Lifestyle
21 mart, 17:40