Teslakent yoki Mars-siti? Ilon Mask oʻz xodimlari uchun shahar barpo etmoqchi

Mazkur hududda allaqachon qator uylar, suzish havzasi, ochiq sport maydonchasi va sport zali uchun chizmalar hamda “Xush kelibsiz, Snailbrook, tx, est. 2021” degan yozuvlar bor.

Wall Street Journal’ning payshanba kungi xabariga koʻra, Ilon Mask va uning kompaniyalari bilan bogʻliq tashkilotlar uning xodimlari yashashi va ishlashi mumkin boʻlgan shaharni barpo etish umidida Texas shtati, Ostin shahri yaqinidan 3500 gektardan koʻproq yer sotib olgan va hozirda shaharni Snailbrook nomi bilan atashni rejalashtirmoqda.

Mask shaharni hozirda qurilayotgan Boring Company va SpaceX inshootlari yonida qurishni rejalashtirmoqda.

Bo‘lajak shahardagi bir va ikki xonali uylar uchun xodimning maoshidan har oy taxminan 800 dollar ijara haqqi sifatida olib qolinadi. Agar xodim ishdan boʻshatilsa yoki ish joyini tark etsa, xonadonni boʻshatish uchun unga 30 kun muhlat beriladi.

Shu kungacha texnologik kompaniyalar kollej yotoqxonalarini ijaraga olib xodimlari uchun turar joylar tashkil etishgan va shu bilan ularning uzoqroq muddat ishlashini taʼminlay olishgan boʻlsa, Mask bu darajaga oʻz shahrini qurish orqali erishmoqchi.

Ilon Mask “Texas utopiyasi” — Snailbrook shahrini barpo etmoqchi
Ilon Mask “Texas utopiyasi” — Snailbrook shahrini barpo etmoqchi

Xabarlarga koʻra, Mask oʻzining Boring Co., Tesla va SpaceX kompaniyalari xodimlari “bozor narxidan past ijara toʻloviga ega uylar bilan taʼminlashini” rejalashtiryapti.

Snailbrook loyihasi, 100 dan ortiq uy, basseyn va ochiq sport maydonchalari va obodonlashtirish hududga ega shahar kompleksini oʻz ichiga oladi.

Maʼlumot uchun, 2020-yilda Mask Tesla shtab-kvartirasini va shaxsiy qarorgohini Kaliforniyadan Texasga koʻchirishini eʼlon qilgan va Kaliforniyadagi koronavirus cheklovlaridan noroziligini aytgandi. Tesla oʻtgan yili Ostinda yangi Gigafactory ochdi. SpaceX va Boring Co. ham Texasda oʻz obyektlariga ega. 

Ayni paytda esa, Boring Co. kompaniyasi Ostin shahri maʼmuriyati bilan shaharda tunnellar qurish boʻyicha muzokaralar olib bormoqda.

Tesla, SpaceX yoki Boring Co. hozircha mazkur xabarlarga rasmiy izoh bermadi.

Mavzuga oid

Soʻnggi yangiliklar

TikTok Shop: yana bir ijtimoiy tarmoq doʻkoni qanchalik xavfsiz?
Tarmoq foydalanuvchilari For You boʻlimida TikTok doʻkonidan xarid qilish mumkin boʻlgan mahsulotlar reklamalari tez-tez ko‘rinayotganini payqashdi.
Ijtimoiy tarmoqlar
23 fevral, 09:52
Apple Vision Pro haqida barcha muhim va qiziq ma’lumotlar
Taqdimotidan 1 yil oʻtib — 2024-yilning 2-fevral kuni Vision Pro sotuvga chiqarildi va ayni paytda dunyo boʻylab muhokama mavzusiga aylandi.
Texnologiya
14 fevral, 16:15
Asus ROG Strix Scar 18: o’yin ishqibozlari uchun “monstr-kompyuter”
18 dyuymli, ulkan va noqulay oʻyin kompyuteri bilan sizni nimalar kutayotganini tasavvur qilish qiyin. Ammo…
Geyming
09 fevral, 17:54
2024-yilda eng yaxshi byudjetli smartfonlar xususiyatlari
Quyida narxi oʻrtacha 150-300$ atrofidagi smartfonlarni sotib olayotganda qanday xususiyatlarga eʼtibor berish kerakligi haqida qisqacha qoʻllanmani toʻpladik.
Smartfon
05 fevral, 16:20