Yangi Tesla Model 3 400 milya masofaga ega versiyasi faqatgina biznesmenlar uchun

Avto

23 aprel, 07:35

Tesla Model 3 ning Long Range akkumulyatori va bitta RWD motorli yangi versiyasini chiqarayotganini eʼlon qildi. Biroq yangi elektromobil kam tirajda — Buyuk Britaniyadagi korxonalar uchun ishlab chiqariladi.

“Model 3 Long Range Rear-Wheel Drive 394 mil masofani (WLTP) bosib oʻtishga qodir boʻlib, ilgʻor zaryadlash qulayligiga ega va uni 46 990 funt sterling (~54 430$) boshlangʻich narxida taqdim qilmoqdamiz”, — yozadi Karen Bouen, Tesla kompaniyasining bosh hisob menejeri, oʻzining LinkedIn sahifasida.

Mazkur akkumulyator batareyasiga ega Modeli 3 Long Range ikkita motor oʻrniga faqat bitta orqa dvigatelga (privod) ega.

Maʼlumot uchun, hozirda Tesla Model 3 ning faqat uchta versiyasi sotuvda mavjud.

Yangi versiya narxi 46 990 funt sterling (~ 54 430 dollar) boʻlib, u standart diapazondan 4 000 funt sterlingga qimmatroq va oddiy 4x4 Long Range variantidan 4 000 funt sterlingga arzonroq.

Mazkur komplektatsiya boshqa 3 ta Model 3 lar orasida 394 milya WLTP masofasiga ega eng uzoq masofali Tesla Model 3 hisoblanadi.

Biroq, uni faqatgina biznes uchun xarid qilish mumkin, yetkazib berish esa iyun oyida boshlanadi.

Hozircha Buyuk Britaniyada sotuvga chiqariladigan Tesla yangi model variantini boshqa bozorlarda sotadimi-yoʻqmi, nomaʼlum.

Oldinroq Ilon Mask Tesla Cybertruck yetkazib berish qachon boshlanishini eʼlon qilgan edi.