Tesla Model 3 sedanining yangilangan versiyasi nimasi bilan yaxshiroq?
02 sentabr, 18:03Tesla Xitoyda yangi dizayn, kengaytirilgan diapazon va ajoyib funksiyalarga ega Model 3 elektr sedanining ilk sotuvlarini ochdi.
Avtomobil yangilangan old va orqa qismlarni, yoritishni, turli balon disklari, shuningdek, yangi interyerga ega boʻldi. Tesla, masofani oshirish, qarshilikni va shamol shovqinini kamaytirish uchun aerodinamikani yaxshilaganini aytdi. Modellarning yangi ranglari: Ultra Red va Stealth Grey.
Qayd etilishicha, avtomobillar butunlay yangilangan old qismga ega, jumladan, faralar, qanotlar, kapot va bamperlar oʻzgargan. Orqa tomonda C shaklidagi chiroqlar, boshqa bagaj qopqogʻi va bamper paydo boʻldi hamda emblema oʻrniga endi faqat brend nomi qoʻyilgan. Sedanning uzunligi 4694 dan 4720 mm gacha uzaytirilgan.
Interyerda ham jiddiy oʻzgarishlar yuz berdi. Markaziy displey diagonali 15,4 dyuymga teng. Shuningdek, yangi 8 dyuymli orqa displey oʻrnatilgan temperatura, ventilyatsiya va maʼlumot-koʻngilochar boshqaruv elementlariga ega.
19 dyuymli gʻildiraklari bilan orqa gʻildirakli Model 3 WLTP siklida bir marta quvvatlanganda 513 km masofani bosib oʻta oladi, LR versiyasi esa 629 km. 100 km/soat tezlikka erishish orqa gʻildirakli model uchun 6,1 soniyani, LRning toʻliq gʻildirakli versiyasi uchun esa 4,4 soniyani tashkil qiladi.
Yangilangan Model 3 ni yetkazib berish oktyabr oyi oxirida Yevropa va Yaqin Sharqda boshlanadi. Xitoyda oldindan buyurtmalar allaqachon 35 000 dollar narxda boshlangan.
Mavzuga oid
Soʻnggi yangiliklar
09 iyul, 10:52
02 iyul, 14:29
25 iyun, 11:07
24 iyun, 14:41
