Bir vaqtlar BYD ustidan kulgan Ilon Mask endi unga tan berdi

Avto

30 may, 09:35

2011-yilda Bloomberg’ga bergan intervyusida Mask BYDni elektromobil sohasida Teslaga raqib deb atagan muxbirning gapidan kulib yuborgan va BYDni umuman raqobatchi sifatida koʻrmasligini aytgandi.

Ilon Mask xitoylik elektromobil ishlab chiqaruvchilari va mamlakatdagi ish etikasi, ayniqsa Tesla 2019-yil oxirida Shanxayda oʻzining birinchi xorijdagi avtomobil yigʻish zavodini ochganidan keyin hayratda ekanligini yashirmadi.

Oʻtgan yanvar oyida kompaniyaning eng katta raqobatchisi nomini aytishni soʻrashganida, Tesla bosh direktori aniq qaysidir brend nomini aytmay, “Xitoy kompaniyasi” deb javob berdi.

“Ular juda qattiq ishlaydi va aqlli hisoblanishadi. Taxminimcha, Xitoyning baʼzi kompaniyalari Tesladan keyin ikkinchi oʻrinda turishi mumkin”, dedi Mask. U, ehtimol, Xitoyning eng taniqli elektromobil ishlab chiqaruvchilari — BYD, Nio va XPeng kabi kompaniyalarni nazarda tutgandi.

BYD aslida Teslaʼdan koʻra koʻproq elektrlashtirilgan transport vositalarini sotadi, ammo shuni aytish kerakki, uning savdo statistikasiga plagin gibridlari (PHEVs) va akumulyatorli elektr transport vositalari (BEVs) kiradi.

2022-yilda BYD butun dunyo boʻylab 1,85 milliondan ortiq plaginli elektr transport vositalarini sotdi, ulardan 946 238 tasi elektr transport vositalari edi. Bu oʻtgan yili butun dunyo boʻylab 1,3 million elektromobil yetkazib bergan Teslaʼdan kam natija emas. Kompaniya ayni paytda “navbatdagi keskin burilishga tayyorlanayotgani” va dunyo elektromobil bozorini zabt etishga qaror qilgani ham hech kimga sir emas.