Yaponlar oltita robot qoʻlli ryukzak ishlab chiqdi

Jizai Arms kamar yordamida xuddi ryukzak kabi taqiladi yoki tanaga biriktiriladi. Tizim oltita portli modulli dizaynga ega. Ularning barchasi turli joylarga oʻrnatiladi, shunda oʻrnatilgan oyoq-qoʻllar bir-biriga halal bermaydi.

Qoʻlni tirsakdan alohida qilib yechish mumkin va zarur boʻlganda boshqa turdagi tutqichlar bilan almashtirsa bo‘ladi.

Biroq, bunday qurilmadan muntazam foydalanish qiyin va noqulay. Asosiy blokning ogʻirligi 4,1 kilogramm, agar siz unga toʻrtta qoʻl qoʻshsangiz, 14 kilogramm boʻladi.

Robot qoʻllarni boshqarish uchun olimlar shaxsiy kompyuterda maxsus dasturni, shuningdek, qoʻl-oyoqlari oʻrnatilgan asosiy blokning kichikroq variantiga oʻxshab ketadigan kontroller ishlab chiqqan. Undan foydalanuvchilar ham, operatorlar ham foydalanishlari mumkin.

Mualliflarning taʼkidlashicha, hozircha robot qoʻlli ryukzakning boshqaruv tizimi takomillashtirilmoqda. Bir vaqtning oʻzida bir nechta qoʻllarni boshqarish juda qiyin, buning uchun ular bir vaqtning oʻzida bir nechta operatorlar ishlashi kerak.

Ammo, boshqa bir yapon muhandislari buni neyrointerfeyslar yordamida amalga oshirish mumkinligini aytishgan edi. Demak, yangi ixtiro kelgusida mukammal ishlashiga umid qilamiz va yangiliklarni kuzatishda davom etamiz.

Avvalroq Dyson havoni tozalovchi minigarnituralarini ishlab chiqqani haqida xabar berilgandi. Dyson Zone Air Purifying ANC buklanadigan naushniklari 99% gacha zararli moddalardan himoyalovchi FFP2 sinf filtrlari orqali havoni intensiv tozalaydi.