Xiaomi’ning “qora fabrikasi” ishga tushdi: u kuniga 24 soat odamlarsiz ishlay oladi va soniyasiga 1 ta smartfon ishlab chiqaradi.

Xiaomi kompaniyasining bosh direktori Lei Jun'ning aytishicha, Pekin shahridagi Changpingda joylashgan yangi avlod smartfonlar ishlab chiqarish zavodi allaqachon ish boshlagan.

Lei Jun'ning aytishicha, yangi zavod, odamsiz va toʻxtovsiz - kuniga 24 soat ishlashga qodir "qora fabrika" sifatida ishlaydi. Bu zavodning mashinalari oʻzaro aloqada boʻlib, bir-birlari bilan ma'lumot almashishi mumkin. Shuningdek, zavod mikron darajasida chang zarralarini mustaqil ravishda tozalash tizimiga ega, bu esa doimiy ravishda toza ish muhitini ta'minlaydi.

Zavodda ishlab chiqarilayotgan mahsulotlar sifati Xiaomi tomonidan oʻzi yaratgan aqlli mashinalar yordamida nazorat qilinadi. Bu mashinalar mahsulotlarning yuqori sifatini ta'minlash uchun maxsus dasturlash orqali ishlaydi. Ta'kidlash joizki, zavod har soniyada bitta smartfon ishlab chiqara oladigan quvvatga ega. Xiaomi ushbu zavodni kompaniyaning kelajakdagi rivojlanishidagi kichik, ammo muhim qadam sifatida ta'rifladi.

Xiaomi yangi ishlab chiqarish jarayonini rivojlantirish uchun 330 million dollar miqdorida sarmoya kiritdi. Changpingda joylashgan yangi zavod 81 000 kvadrat metr maydonda joylashgan va u yiliga 10 million dona flagman smartfon ishlab chiqarish quvvatiga ega. Ushbu zavod "milliy aqlli ishlab chiqarish etalon korxonasi" sifatida tan olingan boʻlib, bu uning yuqori texnologik va samarali ishlab chiqarish standartlarini belgilaydi. Zavod asosan kelajakdagi Xiaomi MIX Fold 4 va Xiaomi MIX Flip buklanuvchi telefonlarini ishlab chiqarishga ixtisoslashgan.

Zavodda 11 ta mobil telefon ishlab chiqarish liniyasi va avtomobil elektron qismlarini ishlab chiqarish liniyalari oʻrnatilgan.