Yaponiya koinotdan quyosh energiyasini olmoqchi, ammo bu deyarli fantastika

Texnologiya

29 may, 11:01

Mamlakat 2015-yilda kosmik quyosh energiyasi sohasida muvaffaqiyatga erishgandi. Navbatdagi urinish 2025-yilda boʻlib oʻtadi.

Yaponiya va mamlakatning kosmik agentligi JAXA oʻnlab yillar davomida koinotdan quyosh energiyasini olishga harakat qilib kelmoqda. 2015-yilda JAXA olimlari 50 metrdan oshiq elektr choynakni simsiz qabul qiluvchiga quvvatlantirish uchun yetarli boʻlgan 1,8 kilovatt energiyani muvaffaqiyatli nurlantirishi bilan mamlakat katta muvaffaqiyatga erishdi.

Nikkei nashri xabar berishicha, Yaponiya davlat-xususiy hamkorligi 2025-yilda koinotdan quyosh energiyasini olishga harakat qiladi.

Keyin ular massivlar yigʻayotgan quyosh energiyasini yuzlab mil uzoqlikda — Yerda joylashgan qabul qilish stansiyalariga yuborishga harakat qilishadi.

Yerga energiya uzatish uchun orbital quyosh panellari va mikrotoʻlqinlardan foydalanish birinchi marta 1968-yilda taklif qilingan. Oʻshandan beri bir qancha davlatlar, jumladan, Xitoy va AQSh bu gʻoyani amalga oshirish uchun anchagina urindi. Ushbu texnologiyaning yaxshi tarafi — orbital quyosh panellari qayta tiklanadigan energiyaning cheksiz manbai ekanligida. Kosmosda quyosh panellari kecha-yu kunduz energiya yigʻa oladi va ular ishlab chiqaradigan quvvatni uzatish uchun mikrotoʻlqinlardan foydalanishi tufayli bunga bulutlar ham halal bermaydi.

Biroq, Yaponiya bir qator orbital quyosh massivlarini muvaffaqiyatli joylashtirgan taqdirda ham, texnologiya haqiqatdan koʻra ilmiy fantastikaga yaqinroq boʻladi. Buning sababi shundaki, 1 gigavatt quvvat yoki taxminan bitta yadro reaktori quvvatini ishlab chiqaradigan panelni ishlab chiqarish hozirda mavjud texnologiyalar bilan taxminan 7 milliard dollarga tushadi.

Avvalroq Yer sayyorasi Marsdan “oʻzga sayyoraliklar” signalini qabul qilib olish maqsadida tajriba boshlagani haqida xabar berilgandi.