Yandex’da xitoy tilidagi videolarning avtomatik ovozlashtirilgan tarjimasi ishga tushdi
17 aprel, 15:12Yandex brauzeri yangi qulay funksiya – xitoy tilidagi videolarni rus tilidagi ovozli tarjimasida koʻrish imkoniyati ishga tushirilganini eʼlon qildi. Funksiya neyron tarmoq yordamida ishlab chiqilgan va ovozlashtirilgan.
Texnologiya allaqachon YouTubeʼda ishlamoqda. Yaqin kelajakda dasturchilar Xitoyning mashhur Bilibili video platformasini ham qamrab olishni rejalashtirmoqda.
Xitoy tili juda murakkab va turli shevalarga ega, shu sababli Yandex dasturchilari yangi texnologiya uchun noldan boshlab misollar bazasini toʻplagan.
Maxsus algoritm yordamida dasturchilar 1,5 millionta videoni qayta ishladilar va bir milliarddan ortiq kishi gapiradigan shimoliy xitoy tilida yuqori sifatli subtitrlarga ega 100 mingtasini tanladilar. Ovoz va subtitrlarning mos kelishi juda muhim, chunki neyron tarmoq nutqni tushunishni ulardan oʻrganadi.
Yandex brauzerining oʻzi ochilgandan soʻng darhol videoni xitoy tilidan tarjima qilishni taklif qiladi. Shunchaki “Videoni tarjima qilish” tugmasini bosish kifoya.
Oldinroq Yandex matnli soʻrovlar asosida tasvir yaratadigan “Shedevrium” neyrotarmog‘ini ishlab chiqqan edi.
Mavzuga oid
Soʻnggi yangiliklar
02 aprel, 14:03
02 aprel, 08:45
01 aprel, 11:15
16 fevral, 21:56
