Xitoy oy tuprogʻidan 3D gʻisht bosib chiqarmoqchi
20 aprel, 17:54“Gʻisht quyar” 3D robot prototipi Changʻe-8 deb nomlanuvchi oy missiyasi doirasida janubiy qutbga uchadi.
Xitoy 2030-yilgacha Oyda doimiy baza qurish maqsadida oy regolit gʻishtlarini bosib chiqarishni yoʻlga qoʻymoqchi.
Mamlakatning Changʻe-8 missiyasi taxminan 2028-yilda Oyga qoʻnishi kerak. Taxminlarga koʻra, missiya oy yuzasida sinovlar oʻtkazish yoki Yer yoʻldoshida topilgan resurslardan foydalanishni oʻz ichiga oladi.
Shu hafta Uxandagi konferensiyada toʻplangan olimlar Oy yuzasidan materiallardan foydalangan holda 3D bosma gʻishtlarni quyish usullarini muhokama qilgan, deya xabar beradi China Science Daily.
Maʼlumot uchun, koinotda 3D bosib chiqarish koʻp yillardan beri sinab kelinayotgan boʻlib, Yevropa kosmik agentligi ham aynan shu yoʻnalishga eʼtiborini qaratgan.
Oy regolitidan yasalgan gʻishtlar Yerga olib tushilmaydi, balki Oyni oʻzida foydalanish uchun ishlatiladi. Chunki yangi qurilish xomashyosi kosmosga olib chiqiladigan manbalar hajmi va mablagʻni tejashga yordam beradi.
Mavzuga oid
Soʻnggi yangiliklar
29 may, 16:16
29 may, 15:22
13 may, 09:13
07 may, 16:17
