Windows 11da sezilarli oʻzgartirishlar paydo boʻldi. Endi iPhone foydalanuvchilari telefonini kompyuteriga ulashi mumkin

Microsoft telefonni kompyuterga ulashi imkonini beruvchi Phone Link qo‘shdi, yangilanishlar ro‘yxatida sun’iy intellekt ham bor.

Kompaniyaning maʼlum qilishicha, iPhone Link Bluetooth orqali kompyuterga ulanadigan yordamchi dasturni oʻrnatish orqali ishlaydi. Ulangandan soʻng, foydalanuvchilar oʻz telefonlari bildirishnomalarini shaxsiy kompyuterlari bildirishnoma qatorida koʻrishlari va boshqarishlari mumkin. Bunda SMS-xabarlarga javob berish mumkin, biroq funksiya guruh chatlarga javob berish hamda media-fayllar yuborish uchun ishlamaydi.

Microsoft vaqt oʻtishi bilan Phone Linkʼga qoʻshimcha funksiyalar qoʻshish ustida ishlamoqda. Misol uchun, Android telefonlari Phone Link ilovasi orqali rasmlarini kompyuterga oʻtkazish kabi.

Phone Linkʼni Microsoft kompaniyasi Windows 11 uchun 2021-yil oktyabr oyidan beri ishga tushirishga tayyorlanib kelayotgandi.

Windows Insider xabar berishicha, Phone Link Mac va iPhoneʼni ulash uchun ham xizmat qiladi. U Apple Continuityʼga oʻxshaydi. Continuity ancha rivojlangan tizimga ega boʻlib, u SMS-xabarlar va qoʻngʻiroqlarga javob berish, Safari yoki Notes kabi ilovalardan foydalanish, kontentni nusxalash va joylashtirish, Apple Watch yordamida qurilmalarni blokdan chiqarish kabi funksiyalarni qoʻllab-quvvatlaydi. Biroq, hozircha Phone Link hali bu funksiyalarni qoʻllab-quvvatlamaydi.

Phone Link kelgusida foydali va mashhur boʻladimi yoki yoʻq, buni vaqt koʻrsatadi. 

Barcha yangilanishlar

Windows 11dagi boshqa yangilanishlar ham anchayin ahamiyatga ega boʻlib, ular quyidagilar boʻlmoqda:

  • ChatGPT va Bing qidiruvi vazifalar paneliga qoʻshildi;
  • “Qaychi” (“ножницы”) endi ekranda tasvir yozib olishi mumkin;
  • Energiya (Batareya) tejash  uchun koʻproq tavsiyalar beradi;
  • Vidjet tizimi takomillashtirildi;
  • Bloknotda qoʻshimcha boʻlimlar paydo boʻldi;
  • iPhoneʼdan SMS-xabarlarni yuborish va qabul qilish uchun Phone Link beta-versiyasi kiritildi.

Yangilangan Windows 11ni “Windows yangilanish markazi” (Центр обновления Windows) orqali yuklab olish mumkin.


Mavzuga oid

Soʻnggi yangiliklar

TikTok Shop: yana bir ijtimoiy tarmoq doʻkoni qanchalik xavfsiz?
Tarmoq foydalanuvchilari For You boʻlimida TikTok doʻkonidan xarid qilish mumkin boʻlgan mahsulotlar reklamalari tez-tez ko‘rinayotganini payqashdi.
Ijtimoiy tarmoqlar
23 fevral, 09:52
Apple Vision Pro haqida barcha muhim va qiziq ma’lumotlar
Taqdimotidan 1 yil oʻtib — 2024-yilning 2-fevral kuni Vision Pro sotuvga chiqarildi va ayni paytda dunyo boʻylab muhokama mavzusiga aylandi.
Texnologiya
14 fevral, 16:15
Asus ROG Strix Scar 18: o’yin ishqibozlari uchun “monstr-kompyuter”
18 dyuymli, ulkan va noqulay oʻyin kompyuteri bilan sizni nimalar kutayotganini tasavvur qilish qiyin. Ammo…
Geyming
09 fevral, 17:54
2024-yilda eng yaxshi byudjetli smartfonlar xususiyatlari
Quyida narxi oʻrtacha 150-300$ atrofidagi smartfonlarni sotib olayotganda qanday xususiyatlarga eʼtibor berish kerakligi haqida qisqacha qoʻllanmani toʻpladik.
Smartfon
05 fevral, 16:20