SpaceX kompaniyasi 14 yoshli Kayren Kvazini ishga oldi.

Bu o‘smir Starlink sun’iy yo‘ldosh internet tizimi uchun dasturiy ta’minot ishlab chiquvchilar jamoasiga qo‘shiladigan bo‘ldi

Kayren Kvazi yaqinda Kaliforniyadagi Santa Klara universitetining Muhandislik maktabini tugatib bakalavr diplomini olgandi. U ushbu o‘quv dargohi tarixidagi eng yosh bitiruvchi hisoblanadi.

Avvalroq Kvazi Intel kompaniyasida amaliyot o‘tab, u yerda sun’iy intellekt sohasidagi tadqiqotlar bilan shug‘ullangan edi. 2022-yilda esa u kiberxavfsizlikka ixtisoslashgan Blackbird.AI kompaniyasida amaliyot o‘tadi. Kayren Kvazi bu kompaniyada ijtimoiy tarmoqlarda kontentdan foydalanib hiyla ishlatish holatlarini aniqlash uchun algoritm ishlab chiqishga yordamlashgan.

O‘qishi davomida u talabalar o‘zini o‘zi boshqaruvida ishtirok etgan va hatto boshqa talabalarga darslar ham o‘tgan. Shu tariqa Kayren Kvazi talab eng kuchli bo‘lgan repetitorlardan biriga aylangandi, - deyiladi universitetning LinkedIndagi sahifasida.

The Seattle Times ma’lumotlariga ko‘ra, Kayren Kvazi ikki yoshidayoq «to‘liq jumlalar tuzib, gapira olgan», to‘qqiz yoshida esa u maktab dasturidan ilgarilab ketayotganligini tushunib yetdi va Kaliforniya munisipial kollejiga o‘qishga kirdi. Santa-Klara universiteti uni 11 yoshida qabul qildi.

Endi bu o‘smir Vashington shtati Redmond shahridagi SpaceXda ish boshlash uchun Kaliforniyaning Plezantonasidan onasi bilan birga ko‘chib o‘tishni rejalashtirmoqda. Shu tariqa u Starlink sun’iy yo‘ldoshlari uchun dasturiy ta’minot ishlab chiquvchilar jamosining azosiga aylanadi.

“Men Starlink muhandislar jamoasining dasturchisi sifatida Yer yuzidagi eng zo‘r kompaniyaga qo‘shilayapman. SpaceX mening yoshimga voyaga yetganlik va qobiliyatlarning mantiqsiz va eskirgan ko‘rsatkichi sifatida qaramagan tengi yo‘q kompaniyalardan biridir», — deb yozdi Kvazi LinkedIndagi postida.

Mavzuga oid

Soʻnggi yangiliklar

Chery Oʻzbekiston uchun yangi modellari tayyorlamoqda
Chery Tiggo 2 va Arrizo ning gibrid variantni shu yilning oʻzida sotuvga chiqarishi mumkin.
Avto
20 may, 17:26
Apple iPhone'ni koʻzlar yordamida boshqarish imkoniyatini taqdim etadi!
iOS 18 yangilanishida ko'zlar yordamida iPhone'ni boshqarish imkonini beruvchi yangi xususiyat taqdim etiladi
Smartfon
20 may, 14:59
Sony'dan yangilik: Xperia 1 VI AI kamerasi va kuchli zum imkoniyatlari bilan
Sony Xperia 1 VI, yangi avlod flagman smartfoni, o'yin, audio va displey imkoniyatlariga kuchli e'tibor qaratgan holda taqdim etildi.
Smartfon
16 may, 11:59
Apple yangi katta yangilikka muhtoj: Tim Kukda gʻoyalar tugab qolgan
Yillar davomida yangi iPhone kabi mahsulotlar boʻlmasligi aniq boʻldi. Apple apparat kompaniyasi hisoblanadi va Kuk bozorda shov-shuvli miqyosdagi boshqa mahsulotni chiqara olmadi.
Texnologiya
15 may, 18:20