Samsung Galaxy Ring aqlli uzuk rasman taqdim etildi
Kunduzi ham, kechasi ham taqish uchun qulay boʻlgan, doimiy ravishda sogʻliqni kuzatib boruvchi qurilma.
![](https://fivm.giglink.uz/source/1/c2VcALYbS87Fm_Z2Ed537RXwkLFUGIte.jpg)
Iyul oyidagi Unpacked taqdimotida Samsung kompaniyasi Galaxy Ring aqlli uzugi haqida tafsilotlarni ochdi, bu uzuk yanvar oyida Galaxy S24 smartfonlari bilan birga qisqacha e'lon qilingan edi.
![](https://fivm.giglink.uz/source/1/33Yt4aAOvjOHFgYjJirKFioL_IJ4x-_P.jpg)
Yangi gadjetning tashqi qismi titandan, ichida esa uchta sensor mavjud boʻlib, ular uyqu koʻrsatkichlari, jismoniy faollik va sogʻliqni, jumladan yurak urish tezligi, qonning kislorod darajasi va tana haroratini oʻlchaydi.
![](https://fivm.giglink.uz/source/1/WEzkgdTY0mIevNyJKAXmLmD5A2vL8Has.jpg)
Toʻplangan ma'lumotlar asosida Samsung Health ilovasi sogʻliq haqida batafsil ma'lumot taqdim etadi, bu esa uyqu sifatini va kun davomida jismoniy imkoniyatlarga ta'sirini baholashni oʻz ichiga oladi. Statistika barcha foydalanuvchilar uchun mavjud boʻladi, pullik obuna talab qilinmaydi. Bu mantiqan toʻgʻri: uzukda displey yoʻq, shuning uchun barcha oʻzaro ilova orqali taqdim qilinadi.
![](https://fivm.giglink.uz/source/1/tbWj0Zh_NStDNAL8AOt4N5SQyigUjZW9.jpg)
Korpus suvga chidamliligi IP68 standarti boʻyicha himoyalangan: uzuk bilan dush qabul qilish va choʻmilish mumkin, ammo 30 daqiqadan koʻp emas. Ushbu uzuk zaryadsiz bir haftagacha ishlash qobiliyatiga ega va qutida simsiz zaryadlash stansiyasi ham kiradi.
Narxlar
Samsung Galaxy Ring 399 dollar, yoki taxminan 5 mln 70 ming soʻm ga baholangan. Uchta rang (qora, kumushrang, oltinrang) va toʻqqizta oʻlchamda taklif etiladi.
Ommaviy sotuvlar 2024-yil 24-iyulga rejalashtirilgan.
O'zbekiston bozorida qurilma narxi hozircha e'lon qilinmagan
Mavzuga oid
Soʻnggi yangiliklar
![](https://fivm.giglink.uz/source/thumbnails/_md/1/TH6n16KbuD-OX-r0W8plYKdef0E1ohEz_md.jpg)
![](https://fivm.giglink.uz/source/thumbnails/_md/1/U0euLr-_XP0sLWTnUHtvf2iSs0POAbED_md.jpg)
![](https://fivm.giglink.uz/source/thumbnails/_md/1/hpKyqWzaUAj5qyqJ9CNNcp7FB5sD8-_6_md.jpg)