Rabbit R1 sunʼiy intellektga asoslangan mobil qurilmasi

Rabbit R1 cho‘ntak qurilmasi boʻlib, sunʼiy intellekt yordamida foydalanuvchining ilovalarni ishlatish tartibini oʻrganadi va keyin jarayonni osonlashtirib beradi.

U MediaTek protsessori bilan jihozlangan, “bos va gapir” tugmasi, 360 daraja aylanadigan kamera, Wi-Fi, Bluetooth va hatto 4G SIM-karta slotiga ega.

Qurilmaning narxi 199 dollar va sotuvga chiqarishga tayyor.

CES 2024 koʻrgazmasida sunʼiy intellekt asosiy mavzuga aylangandi: aqlli uy qurilmalaridan tortib smartfonlargacha, robotlardan tortib televizorlargacha, avtomobillardan tortib kompyuterlargacha hamma AIʼdan unumli foydalanishga astoydil kirishganini namoyish qilgandi. Santa Monikada joylashgan sunʼiy intellekt startapi Rabbit Inc. oʻzining Rabbit R1 deb nomlangan mobil qurilmasi bilan ular orasida ajralib chiqdi.

R1 — bu tabiiy til bilan boshqariladigan mustaqil, portativ qurilma. Unda sensorli ekran, “bos va gapir” tugmasi, aylantirish gʻildiragi, ovozli buyruqlar uchun mikrofon, javob berish uchun dinamiklar va Rabbit Eye nomli kompyuter koʻrishni qoʻllab-quvvatlaydigan 360 daraja aylanadigan kamera mavjud. U MediaTek Helio P35 protsessoridan quvvatlanadi va 4 Gb tezkor xotira, 128 Gb ichki xotira, USB-C port, Bluetooth, Wi-Fi va 4G qoʻllab-quvvatlovchi SIM karta uyasiga ega. 

Xoʻsh, qurilma nimaga qodir?

Startap veb-saytidagi demo buni eng yaxshi koʻrsatadi, lekin R1 aslida Rabbit OS deb nomlangan Long Action Model (LAM) asosidagi operatsion tizim bilan birga keladi. U qurilmaga ilovalarni osonroq yuklash va tezroq boshqarishga yordam beradi. Kompaniyaning taʼkidlashicha, uning asosiy modeli foydalanuvchilarning maʼlum ilovalardan foydalangandagi xatti-harakatlarini oʻrganishi va keyin ularni ishonchli hamda tez oʻzlashtirishi mumkin.

Masalan, Spotifyʼni R1 bilan bogʻlaganda, u nafaqat ovozli buyruqlar yordamida musiqa ijro etish, balki AIʼdan bir xil albomdagi boshqa qoʻshiqlarni ijro etish kabi kontekstli vazifalarni bajarishni soʻrash ham mumkin. Masalan, R1 dan soʻzlarni kim yozgan, musiqani kim bastalagan, qoʻshiqni kim tanlagan va hokazolarni aytib berishni soʻrashingiz mumkin. Bu ChatGPT bilan gaplashishga oʻxshaydi, ammo kompaniyaning taʼkidlashicha, R1 javoblari ancha tezroq.

Yandex Go kabi ilovalardan siz R1 orqali ofisingizdan uyingizgacha boʻlgan manzilni bron qilishni soʻrashingiz mumkin va u smartfon ilovasi orqali bu ishni inson omiliga nisbatan tezroq bajaradi.

Rabbit R1 hozirda 199 dollarga oldindan sotuvga chiqarilgan. Buyurtmalar mart oyida AQShga joʻnatiladi. Ishga tushirilganda R1 eng mashhur ilovalardan foydalanishga oʻrgatiladi. Kelajakda, shuningdek, foydalanuvchilarga oʻzlarining “quyonlarini” muhim ilovalar va ish oqimlarida aniq vazifalarni bajarishga oʻrgatish imkonini beradigan eksperimental xususiyatga ega boʻladi.

Mavzuga oid

Soʻnggi yangiliklar

Xiaomi Smart Band 9 yangi fitness brasletini taqdim etdi: narxi 50$ dan arzon
Endi bir marta zaryad qilgandan keyin 21 kungacha foydalanish mumkin
Texnologiya
20 iyul, 18:04
Xiaomi 14 Ultra haqida: 2024 yilning eng yaxshi telefonlari orasida
Xiaomi 14 Ultra — bu kompaniyaning bugungi kunda taklif etayotgan eng zamonaviy smartfonidir.
Smartfon
20 iyul, 12:55
Xiaomi Lamborghini uslubidagi smartfonni namoyish etdi
Redmi va Lamborghini oʻrtasidagi hamkorlik yanada kuchaymoqda: bu ularning ikkinchi loyihasi.
Smartfon
19 iyul, 10:11
iPhone 16 sotuvlari iPhone 15ga qaraganda yaxshiroq bo‘ladi. Kamida bu iPhone 15-dan 10 foizga ko‘p.
Ular iPhone 16 ga bo‘lgan talabni oshirish uchun sun'iy intellekt xususiyatlariga ishonadi
Smartfon
14 iyul, 11:08