Oyni tadqiq qilish uchun “birlashgan robotlar jamoasi” ishlab chiqilmoqda

Robotlar foydali qazilmalarni izlash boʻyicha jamoaviy ishlashga “oʻrgatilgan” va Oydagi real sharoitlarga o‘xshash poligonda sinovdan oʻtkazilgan.

Olimlar tomonidan taklif etilgan yangilik shundan iboratki, har bir robot oʻz vazifasiga ega, ammo asosiy uskunalar bir nechta qurilmalarga oʻrnatilgan. Shu sababli, bitta robot oʻz vazifasini bajara olmasa, uning oʻrniga boshqasi kirishadi. 

Ushbu muammoni hal qilish uchun tadqiqotchilar ixtisoslashgan ikkita robot va bitta “universal” variantni yaratdilar. Birinchi robot hududni xaritalash va geografik obyektlarni o‘rganish uchun dasturlashtirilgan. U tadqiqot uchun lazerli skaner va bir nechta kameralardan foydalanadi va spektrometriya yordamida birlamchi geologik tahlillarni amalga oshiradi.

Ikkinchi robot Raman spektrometri va mikroskop kamerasi yordamida togʻ jinslarini aniqlashga oʻrgatilgan. Nihoyat, uchinchi robot ikkala vazifani ham hal qila oladi, ammo uning jihozlari zaifroq va shuning uchun oʻlchov aniqligi ham pastroq.

Tadqiqotchilar ushbu robotlarni Shveysariyadagi turli obyektlarda, shuningdek, Lyuksemburgdagi Yevropa kosmik resurslari innovatsion markazidagi poligonda sinovdan oʻtkazdilar.

Tahlil shuni koʻrsatdiki, oʻzaro taʼsir va ixtisoslashuv missiyani muvaffaqiyatli yakunlash va odamlar yoki alohida Oyda uchuvchilar uchun mavjud boʻlmagan hududni tadqiq qilish ehtimolini oshiradi. Loyihani ishlab chiqish uchun muhandislar mumkin boʻlgan tadqiqotlar doirasini kengaytirishda jamoani gʻildirakli robotlar va uchuvchi dronlar bilan toʻldirish ustida ishlamoqda.