iOS 16.5 Candidate versiyasi chiqdi: o’zgarishlar haqida

Texnologiya

10 may, 18:25

Apple iOS 16.5 relizdan oldingi versiyani chiqardi.

Kompaniya ushbu yangilanishda qanday yirik o’zgarishlar qilganiga aniqlik kiritmagan. Faqat dasturiy xatoliklar tuzatilgan va barqarorlik yaxshilangan, deyilmoqda.

Sinov versiyadagi ba’zi yangiliklar:

Pride yangi fon rasmi.

Apple News ilovasida endi tarixlar, ballar va boshqalarga kirish imkoniga ega Sport tab mavjud.

Spotlight qayta javob bermay qolishi kabi muammolar tuzatildi.

Radio va boshqa ilovalarni qo'llab-quvvatlaydigan CarPlay’dagi podkastlar yuklash borasidagi muammo tuzatildi hamda dizayni yangilandi.

Ekran vaqti sozlamalari qayta o‘rnatilishi yoki barcha qurilmalarda sinxronlanmasligi mumkin bo‘lgan muammo tuzatildi.
Siri orqali ekranni yozib olish mumkin.
Custom Accessibility Mode — qariyalar uchun ilovalar belgilarini kattalashtiradi.

Suhbatlar va foydalanuvchi yozishmalari xavfsizligi uchun FaceTime va iMessage’da shifrlash kalitlarini tekshirish.

Yuklab olish

Candidate versiya taxminan 16-mayda chiqishi mumkin. Dasturning hajmi taxminan 5,5 GB, proshivka raqami 20F65. iOS 16.5 RC ni hoziroq yuklab olish mumkin:

Havola orqali iPhone uchun beta-versiyani yuklab oling.

Sozlamalarni oching va "Yuklab olingan profil" (Профиль загружен)ni tanlang, keyin uni o'rnating.

iPhone’ni qayta ishga tushiring va "Dasturiy ta’minotni yangilash" ga o‘ting, so‘ngra yangi versiyani topib o‘rnating.

Ma’lumot uchun, 5-iyun kuni yilning eng yirik o‘zgarishlariga ega bo‘lishi kutilayotgan iOS 17 taqdim qilinadi. Hozircha bu proshivkaga oid insayder ma’lumotlari haqida oldingi xabarlarda o‘qishingiz mumkin.