Ilon Maskning rejalari: 2 yil ichida marsga starshipni uchirish va 2040 yilgacha robotlar soni insonlardan oshib ketadi

Maskning aytishicha, SpaceX kompaniyasi kelgusi ikki yil ichida Starship raketasini Marsga uchirishni rejalashtiryapti. Tesla haqida gapirar ekan, u AQShda 2024 yilga kelib avtomobillarni "nazoratsiz avtopilot" bilan boshqarish texnologiyasi joriy etilishini kutmoqda. Shuningdek, 2026 yilga borib, Cybercab haydovchisiz taksilar ommaviy ishlab chiqarila boshlanishi rejalashtirilgan.

Maskning taxminiga ko‘ra, 2040 yilga kelib dunyo bo‘yicha kamida 10 milliard robot ishlatila boshlaydi va ularning soni insonlar sonidan oshib ketadi. U shuningdek, 2040 yilga borib odam shaklidagi robotlarning narxi 20,000 - 25,000 AQSh dollarigacha tushishini aytmoqda.

Mask deyarli barcha uzoq muddatli energiya manbalarining quyosh energiyasidan olinishi kerakligini ta’kidlaydi. Unga ko‘ra, sun'iy intellektning insoniyatga salbiy ta’sir ko‘rsatish ehtimoli 10% - 20% ni tashkil etadi.

Mask shuningdek, o‘zining XAI sun’iy intellekt startapining hajmini ikki barobar oshirishni rejalashtirmoqda.