Google butun dunyoda tibbiyotni yaxshilovchi SI dasturi ishlab chiqdi

Dasturning asosiy maqsadi sogʻliqni saqlash sohasi mutaxassislariga tadqiqot oʻtkazish va jarayonlarni yaxshilash uchun xavfsiz SI texnologiyalarini taqdim etishdan iborat. Google AI for Health tashabbusi kompaniyaning sogʻliqni saqlash sohasidagi tadqiqotlar va sunʼiy intellektni rivojlantirishga qaratilgan keng koʻlamli saʼy-harakatlarining bir qismidir.

Loyiha dunyoning baʼzi qismlarida shifokorlar yetishmasligi va zamonaviy diagnostika vositalaridan foydalanish cheklanganligini bartaraf etishga yordam beradi.

Kompaniya butun dunyo boʻylab yuqori sifatli va arzon tibbiy diagnostikani taklif qilish uchun sunʼiy intellekt vositalarini joriy qilmoqda. Mavjud tizimlar Tayvanda koʻkrak bezi saratoniga tashxis qoʻyishda yordam berish va Keniyada boʻlgʻusi onalarga yordam berish uchun ishlaydi.

Ma’lumot uchun, sun’iy intellektning tibbiyotda qo‘llanilishi yangilik emas. Misol uchun, oldinroq ChatGPT chatboti tibbiy maslahat berishda shifokorlardan ham oʻzib ketgandi. JAMA Internal Medicine jurnalida chop etilgan tadqiqotga koʻra, tibbiy maslahatlar sohasida ChatGPT professional shifokorlarni ortda qoldirib, batafsilroq va “chin ko‘ngildan” ko‘rsatma bergan.