Dunyodagi eng birinchi bepul televizor — Telly TVdan sotuvchilarga qanday manfaat bor?

Qurilma ikkita displeydan iborat. Asosiysi — 4K va HDR'ni qoʻllab-quvvatlaydigan 55 dyuymli panel. Televizor TellyOS tizimida ishlaydi, u hozircha hech qanday strim kanallarga ulanmagan. Android TVʼga ulanish uchun adapter oʻrnatilgan.

Gap shundaki, siz bepul texnika oʻrniga reklamalarga ketadigan minglab daqiqalaringizni “almashasiz”. Ha, shunga nima qilibdi, mahalliy telekanallardan farqi yoʻq ekanku, deyishingiz mumkin, albatta. Lekin, bunday oʻylashga erta: televizor katta ehtimol bilan Oʻzbekiston bozorigacha yetib kelmaydi. Tabiiyki, reklama koʻrsatish hisobiga “sotiladigan” TV maʼlum bozor, yaʼni mintaqa uchun moʻljallangan.

Texnika tinimsiz reklamalarni koʻrsatadigan ikkinchi tekis 63 dyuymli displeyi tufayli bepul beriladi. Shuningdek, u yerda ob-havo xabarlari, yangiliklar va boshqalar kabi vidjetlarni joylashtirish mumkin.

Eʼlon pastki displeyning oʻng tomonida rolik shaklida yoki chap tomonida yangiliklar burchagi sifatida paydo boʻlishi mumkin.

Agar asosiy displeyda hech narsa tomosha qilinmasa, u reklamalarni koʻrsatish uchun ham ishlatiladi:

Ekranlar orasida saundbar mavjud. Shuningdek, video qoʻngʻiroqlar, fitnes va oʻyinlar uchun kamera ham bor. Boshlanishiga kamera bilan ishlaydigan 40 ga yaqin kichik oʻyinlar boʻladi.

Birinchi 500 000 ta bepul televizor shu yozda AQShda sotuvga chiqariladi (The Verge).

Avvalroq Haier — obuna asosida ishlaydigan, kir yuvish vositalari “tekin” qo‘shib beriladigan kir yuvish mashinasini sotuvga chiqarilgani haqida ma’lum qilingandi.