Drag You GAN — “kelajak fotoshopi” ishlab chiqilmoqda

Texnologiya

19 may, 17:34

Ushbu “fotoshop” sunʼiy intellekt asosida ishlaydi. Ikki marta bosish orqali rasmdagi obyektlarning joylashuvi va hajmini oʻzgartiradi va boʻshliqlarni avtomatik toʻldiradi.

Aytilishicha, rasmlarni tahrirlashda Drag You Gan bajara olmaydigan vazifaning oʻzi yoʻq ekan.

Natijalar esa hayratlanarli: neyron tarmoq mashinalar shaklini va odamlarning turishini oʻzgartiradi, sherlarning ogʻzini ochib, yopadi, juda kichik togʻlar va obyektlarning balandligini oshiradi, hokazo.

U qanday ishlaydi?

Neyron tarmoq maʼlum tasvirlar, odamlarning turishi va shakllari, geografik obyektlar, avtomobillar va boshqalar haqida unga yuklangan maʼlumotlar asosida oʻrgatiladi. Foydalanuvchi tasvirni oʻzgartirishi kerak boʻlgan nuqtalarni tanlashi mumkin.

Ushbu nuqtalarni choʻzish yoki aksincha, yaqinlashtirish orqali foydalanuvchi tasvirni yoki undagi obyektlarning hajmini oʻzgartiradi.

Biroq loyiha hozircha ishlab chiqish jarayonida va yil oxirigacha taqdim etilishi va’da qilinmoqda.

Avvalroq Yandex kompaniyasi tomonidan “shedevr”: matnli soʻrovlar asosida tasvir yaratadigan neyrotarmoq ishlab chiqilgandi.