ChatGPT ommaga ko‘rinish berdi. Endi uning yuzi va ovozi bor

Isroillik D-ID startapi “jonli” sunʼiy intellekt bilan muloqot qilish imkonini beruvchi yangi chat.D-ID veb-ilovasining beta-versiyasini ishlab chiqdi.

Ilova ChatGPT sunʼiy intellekti bilan jonli muloqotni yaratishda D-ID matnni videoga aylantiruvchi texnologiyasi asosida ishlaydi. Bir soʻz bilan aytganda, endi ChatGPT generatsiya qiladigan matnli maʼlumotlarni video koʻrinishida beradi va bunda ChatGPTʼning yuzini koʻrish, ovozini eshitish mumkin (bot havolasi maqola so‘nggida).

Startap rahbari Gil Perrining fikricha, ChatGPT chatbotiga ovoz va yuz berish uni koʻpchilik foydalanuvchilar, xususan, keksalar uchun yanada jozibador va qulay qiladi.

“Biz — insonlar suhbatdoshimizning yuzini koʻrib turgan holda muloqot qilishga moyilmiz, aynan shunday holatda maʼlumotlarni tez ilgʻab olamiz, suhbatni yaxshiroq tushunamiz”, — taʼkidladi Perri.

Hozircha barchaning sevimli yordamchisiga aylanib ulgurgan chat-botning bitta — qiz bola — Alisa koʻrinishi ishlab chiqilgan boʻlib, kelgusida variantlar koʻproq boʻlishi aytilmoqda. Misol uchun, foydalanuvchilar avatar sifatida oʻzlari istagan kishi rasmini yuklashlari mumkin boʻladi (taniqli shaxslar yoki jamoat arboblari suratlari bundan mustasno).

D-ID
D-ID

Chat.D-ID ilovasi mutlaqo bepul, biroq Perrining qayd etishicha, agar u mashhur boʻlib qolsa va ishga tushirish juda qimmatga tushsa, loyihada pullik obuna paydo boʻladi. Shu bilan birga, Perri D-ID ilovasi keng tarqalishi uchun avvaliga kirishni bepul qilishini aytdi.

Chat.D-ID saytidan foydalanish juda oson — to‘g‘ridan-to‘g‘ri Google orqali ro‘yxatdan o‘tishingiz mumkin. Bunda sizda 20 ta chat’dan foydalanish imkoniyati mavjud. Qiziq tarafi, brauzerdan kirib foydalaniladigan mazkur xizmatda siz chatni boshlaganingizdan so‘ng, o‘sha chat tugagunga qadar Alisa doimo “harakatda” bo‘ladi — savol beradi, jim bo‘lib qolsangiz, shu yerdaligingizni so‘raydi, javob kelavermagach suhbatni yakunlashi haqida ogohlantirib tugatadi. 

ChatGPT bilan yuzma-yuz suhbatlashish uchun havola — https://chat.d-id.com/ Xizmat hozirda faqatgina ingliz tilida ishlamoqda. 

Mavzuga oid

Soʻnggi yangiliklar

Xiaomi Redmi Turbo 4 AnTuTu reytingida eng kuchli "subflegmanlar" ro‘yxatida birinchi o‘rinni egalladi
AnTuTu benchmarki mart oyi uchun eng kuchli ishlovchi Android-subflegmanlar reytingini e’lon qildi.
Smartfon
02 aprel, 14:03
Sony WH-1000XM6 quloqchinlari 2025 yil may oyida chiqishi mumkin
Xabar aniq sanani ko‘rsatmagan bo‘lsa-da, bazi manbalar ularning may oyining birinchi yoki ikkinchi haftasida taqdim etilishi mumkinligini taxmin qilmoqda.
Quloqchinlar
02 aprel, 08:45
Vivo arzon narxlarda kuchli batareyaga ega Y300 Pro+ smartfonini taqdim etdi
bu telefon bir zaryadda boshqa modellarga qaraganda ancha uzoq ishlaydi.
Smartfon
01 aprel, 11:15
Telefon kamerasining sifatini baholash uchun qaysi parametrlarni e’tiborga olish kerak?
Bu ma'lumotlar 2025-yil bozori uchun dolzarb bo'lib, telefoningizning kamera sifatini baholashda va yangi telefon xarid qilishda yordam beradi.
Smartfon
16 fevral, 21:56